* Жәабран 2024

Амилаҭ доуҳа зырбеиоз арҿиамҭақәа ахьиуаз аҩнаҿы.Абраҟоуп иахьеиҭаигаз аӡәырҩы аҳәаанырцәтәи ашәҟәыҩҩ дуқәа рҩымҭақәа , адунеи еицырдыруа ашәҟәыҩҩцәа , апоетцәа , аинтеллигенциа рхаҭарнакцәа ахьидикылоз . Аусмҩаҧгатә иалахәын арҿиаратә интеллигенциа ахаҭарнакцәа, аҿар. Амра Зарандиаҧҳа иацылҵоит ажәабжь.

Дызхыҧшылоз ҳәа акгьы имамкәа , илиршаз ҳмилаҭ азы еиқәырхагоуп . Ҳмилаҭтә культура аҵкарқәа зегьы рхыҵхырҭақәа зегьы зыдҳәалоу Дырмит Гәлиа ихьӡ ауп . Ари арыцхә инамаданы, Аҟәа ақалақь аҟны игылоу Жәлар рпоет ибаҟа амҵан ихырхәаны ашәҭқәа шьҭарҵеит Аҧсны Ахада Аслан Бжьаниа, ихаҭыҧуаҩ Бадра Гәынба, Жәлар реизара аиҳабы Лаша Ашәба,атәыла Ахада иусбарҭа анапхгаҩы Абесалом Кәарҷиа, апарламент адепутатцәа,аминистрцәа,ашәҟәыҩҩцәа,аинтеллигенциа рхаҭарнакцәа,астудентцәеи ашколхәыҷқәеи.

Аҧсуа сахьаракыратә литература ашьаҭаркҩы Дырмит Гәлиа диижьҭеи 150 шықәса аҵра аҳаҭыразы Аҧсны ашколқәа рҿы еиуеиҧшым аусмҩаҧгатәқәа еиҿыркаауеит. Убас, аҳҭнықалақь аҩбатәи аҧшьбатәи ашколқәа рҿы имҩаҧган Дырмит Гәлиа ирҿиаратә мҩа иазкыз ахәылҧаз. Шәахәаҧш ҳанҵамҭа .

Ауаҩы игәабзиара иаҧырхагоу ирҭәоу ахәша «Белорусское луговое» Аҧсны аҳәаа ахгареи араҟа аҭииреи азин ыҟаӡам. Иара Белгород зҭакҧхықәра ҳәаақәҵоу аилазаара «Чемпион» иҭнажьуеит. Аҧсны аминистрцәа реилазаара ақәҵара аднакылеит, ари ахәша мап ацәкызарц. Ажәабжь иацырҵоит ҳкорреспондентцәа.

Шә – уск знапы рылакыз , калам ҧынҵала зыжәлар рҿахәы зҳәаз арккаҩы , аҧсуа литература ашьаҭаркҩы Дырмит Гәлиа ихаҭара , иҩымҭақәа рыхцәажәара, анализ рзура - абри иазыркит аҧсуа телехәаҧшра ажурналистцәа гәыҧҩык ашьыжьтәи реилатәара. Дасу ихазы иаликааз , ихы ишаирхәо , хәшьарас иаиҭо уҳәа агәаанарақәа еиҧшымызт. Ажәабжь иацылҵоит Наала Чхьынџьериаҧҳа .

Ҩажәи жәаҩык Аҧсны Жәлар рџьынтәылатә еибашьраан иҭахаз аиабшьцәа ранацәеи рыҳәса еибацәеи агәыҳалалратә уаххьа рзымҩаҧган.