* Aҩаша, 13 Жәабран 2024

Ҳаамҭазы адунеи зегь аҿы, афымцалашара аиҷаҳара ҳәынҭқарратә политиканы аиҳабыра рҿаҧхьа иқәгылоуп . Ҳтәылаҿы акәзар , афымцалашара аиҷаҳара ҧсыҽуп, уи моу уи ахархәаразы аҧара зегьы иахыршәаауам.

Урыстәыла Украина имҩаҧнаго иҷыдоу аоперациаҿы хатәгәаҧхарала еибашьуз , аиааирагьы зхы ақәызҵаз Олег Бебиа игәаларшәара иазкыз ахәылҧаз мҩаҧган жәабран мза жәаҩа рзы, уи иалахәын аибашьҩы - аспортсмен ибзиан дыздыруаз иҩызцәа, иқәлацәа,иҭынхацәа.Гәыблыла дыргәаладыршәон. Ирҳәон еснагь изҿыҧшуаз, зыгәра газ ҩызаны дшыҟаз .

Ҧшьынҩажәи хҧа шықәса дшырҭагылаз иҧсҭазаара далҵит Џьгьарда ақыҭаҿы аиҳабыра ныҟәызгахьаз Ҭыма Сардион-иҧа Логәуа. Иара дыздыруаз зегьы гәалсра дула ирыдыркылеит иҧсҭазаара иалҵра.

Аиқәырхаҩцәа ирылшеит аҩны ду абылра аҟынтә аиқәырхара. Амашәыр иақәшәаз афинанстә цхыраара рырҭоит араион ахадара. Шәахәаҧш ҳкорреспондентәа ранҵамҭа.

Иааидкыланы ирықәҵоу ахараҧса аашә нызқь мааҭ рҟынӡа инаӡоит. Сынтәа аҧсыӡкра шымҩаҧысуа, анаплакқәа русура хылаҧшра шарҭо анаҩстәи анҵамҭа аҿы.

Гәдоуҭа араион Аӡиа Риҵа имҩаҧысит Аҧсны амчратә усбарҭақәа русзуцәа злахәыз атактикатә ҽазыҟаҵарақәа, атерроризм аҧырҟәҟәаареи аиқәырхареи хықәкыс измаз. Ари аус наҧшыҩцәак раҳасабала иалахәын Урыстәылеи Аахыҵ-Уаҧстәылеи рхаҭарнакцәа. Ажәабжь иациҵоит Даур Инаҧшьба.