![Абхазская Государственная Телерадиокомпания](/images/2022/09/12/logo.png)
![Абхазская Государственная Телерадиокомпания](/images/2022/09/12/logo.png)
Аҟәа ақалақь Омар Бегәеи Имам Шамили рымҩақәа реихысырҭаҿ аӡымҩангагақәа реиҧшьырҭаҿы амыругақәа руак аусура иаҟәыҵит хымш раҧхьа. Анаплакы аӡыршьҭра аусзуҩцәа уи зыхҟьаз иаразнак ишьақәыргыланы арҽеира нап адыркит. Аусурақәа ирыцыз ауадаҩрақәа Даур Инаҧшьба ианҵамҭаҿ.
Ашьапы иаакәыршаны аҕьара иаҿуп,-рҳәоит аспециалистцәа. Ааҧынра аҵла еиҳа еинҭәыларазы џьара-џьара амахәқәа хдырффоит. Шәахәаҧш Гәдоуҭатәи ателехәаҧшраҿынтә иҳауз анҵамҭа.
Аҳәынҭқарратә усбарҭақәа русура аиҵаҟьара, аҵаратә процесс аиҧырҟьара, ауаажәларра агәыҭҟьа раргара хықәкыс иамоуп ахыбра арҭҟәацга аҵоуп ҳәа зны-зынла ҭелла анонимцәа иҟарҵо адырраҭарақәа. Аиҧш-зеиҧшу ахҭыс аҭыҧ аман ааигәа иара ҳара ҳҿгьы. Аҧсны ашьауҕатә закәанеидкыла излаҳәо ала ари терроризмуп. Уи аҧшьызго аҭакҧхықәра ҕәҕәа рыдҵахоит. Инарҭбааны ажәабжь ҳзеиҭалҳәоит Шьазина Ханагәуаҧҳа.