Дызхыҧшылоз ҳәа акгьы имамкәа , илиршаз ҳмилаҭ азы еиқәырхагоуп . Ҳмилаҭтә культура аҵкарқәа зегьы рхыҵхырҭақәа зегьы зыдҳәалоу Дырмит Гәлиа ихьӡ ауп . Ари арыцхә инамаданы, Аҟәа ақалақь аҟны игылоу Жәлар рпоет ибаҟа амҵан ихырхәаны ашәҭқәа шьҭарҵеит Аҧсны Ахада Аслан Бжьаниа, ихаҭыҧуаҩ Бадра Гәынба, Жәлар реизара аиҳабы Лаша Ашәба,атәыла Ахада иусбарҭа анапхгаҩы Абесалом Кәарҷиа, апарламент адепутатцәа,аминистрцәа,ашәҟәыҩҩцәа,аинтеллигенциа рхаҭарнакцәа,астудентцәеи ашколхәыҷқәеи.