* Aҧшьаша, 08 Лаҵара 2025

Асовет Еидгыла Афырхаҵа Уарлам Габлиа ибаҟақәа ҩба аадыртит анышә дахьамадоу Тамшь ақыҭеи, Очамчара ақалақь идырым асолдаҭ ибаҟа авараҿи. Иара убасгьы официалла иаартын Тамшьтәи абжьаратә школ аҿы иҭыхыу афырхаҵа исахьа зну амурал. Аусмҩаҧгатә рхы аладырхәт Аҳәынҭқарра Ахада Бадра Гәынба, уи ихаҭыҧуаҩ Беслан Бигәаа,Жәлар реизара аиҳабы Лаша Ашәба, Аҧсны иҟоу Урыстәыла а цҳаражәҳәаҩ Михаил Шургалин, аиҳабыра рхаҭарнакцәа, ауаажәларра, афырхаҵа иуацәа иҭынхацәа.

Аиааира ду амш аламҭалаз Гәымсҭа ақыҭан имҩаҧысит Аџьынџьтәылатә еибашьра дууӡеи Аҧсны Жәлар рџьынџьтәылатә еибашьреи раан иҭахаз рыхьӡала амемориалтә комплекс аартра. Аобиект ргылоуп Аҧсны иҟоу аерманцәа рхеилаки уи ахантәаҩы Алик Миносиани рхарџь ала. Ари амемориалтә комлекс убасгьы иамҽханакит аспорт аҽазыҟаҵарҭа ҭыҧ - ашьапылампыл маҷ азы адәы, ахәыҷқәа рзы ахәмарырҭа. Аусмҩаҧгатә даҭааит Аҧсны Ахада Бадра Гәынба, аиҳабыра рхаҭарнакцәа, ауаажәларра.

Акциа «Агәалашәара амца» мҩаҧысит Москва Александр ибаҳчаҿы лаҵарамза ҧшьба рзы. Уаантәи Ҿыцәаара зқәым амца ҩажәиак тәылеи шәи ҩажәи жәаба қалақьи рахь ирышьҭит. Аусмҩаҧгатә рхы аладырхәит Аҧсны аҳәынҭқарра ахада Бадра Гәынба, атәыла ахада ихаҭыҧуаҩ Беслан Бигәаа, аҧыза-министр Владимир Делба, ақалақь анапхгара, жәлар реизара адепутатцәа, арра амаҵ азызуа ауаа, ауаажәларра.