* Aҩаша, 20 Лаҵара 2025

Аҵарауаа - аиҳәшьцәа Екатеринеи Ҭамареи Шьаҟрылаа рыхьӡ зху аҧсуа бызшәа акабинет аадыртит Аҧснытәи аҳәынҭқарратә университет аҟны. Ари ахҭыс еиднакылеит аҵарауаа, астудентцәа, аиҳәшьцәа рҭынхацәа.

Уи игәалашәара иазку ахәылҧаз еиҿкаан Аҟәа ақалақьтә библиотекаҿы. Аусмҩаҧгатә рхы аладырхәит Аҧсны ашәҟәыҩҩцәа реидгыла ахаҭарнакцәа, абиблиотека аусзуҩцәа, астудентцәа, ашколхәыҷқәа, ажуралист иҭаацәа. Ажәабжь иацылҵоит Алика Ҭраҧшьҧҳа.

Апассаџьыри аидареи ныҟәызго атранспорт ахәҧҵәақәа шьақәыргылоуп. Ангиограф азы ахыбра иазыҧҵәоу аҿҳәара иахмырҧақәа иргылахоит. Урыстәыла атәылауаҩра зманы Урыстәылатәи ацхыраареи ан лмали зауз ҳтәылауаа ауиристтә цхыраара рыҭаразы аусутә гәыҧ аҧҵоуп. Аминистрцәа реилазаара аилатәараҿы ирыхәаҧшит абарҭи егьырҭ азҵаарақәеи жәпакы. Ажәабжь иацылҵоит Дениза Гьергьиаҧҳа .

Адепутатцәа аҩбатәи аҵыхәтәантәи аҧхьараҿы иҳаҩсыз ашықәс азы ареспубликатә биуџьет анагӡаразы азакәан апроект рыдыркылеит. Адепутатцәа маӡалатәи бжьыҭарала Адгәыр Ҳаразиа идепутаттә мандат имырхит. Иара убас Аҧсны Иреиҳаӡоу аусӡбарҭа апрокурор хадас Адгәыр Агрба икандидатура шьақәдырҕәҕәеит.

Очамчыра араион, Ҷлоу ақыҭан Аџьынџьтәылатә еибашьра дууӡа аан иҭахаз ақыҭауаа рыхьӡала игылоу абаҟа аиҭашьақәыргыла ашьҭахь иаартуп. Аусмҩаҧгатә даҭааит Аҧсны Ахада Бадра Гәынба. Убасгьы Ахада ихаҭыҧуаҩ Беслан Бигәаа, иусбарҭа анапхгаҩы Беслан Ешба, Очамчыра араион ахада Алхас Кациа.