* Aшәахьа, 17 Рашәара 2024

Иахьатәи аҭыжьымҭаҿы:

00:15 Амҩаҧгаҩ Асмаҭ Гәниа

01:00 Амчыбжь азы иалкааз ажәабжьқәа ааркьаҿны.

06:30 Аҧсны ахьӡ ҭыго.БРИКС ахәмаррақәа ирызкуп ҳанҵамҭа ҷыда.

12:30 БРИКС аҵакы аполитикаҿы.Ишәыдаагалоит аексперт лгәаанага.

Иахьатәи ҳҭыжьымҭаҿы:

00:00 – Амҩаҧгаҩ АликаҬраҧшьҧҳа

02:06 - Аҟәатәи иреиҳаӡоу азеиҧш командаҟаҵаратә арратә ҵараиурҭа аушьҭымҭацәа сынтәа Аҧсны атәылахьчара иаҵанакуа арратә кадрқәа хадырҭәааит

09:35 - Риҵатәи арелиқттә милаҭтә парк акурортә сезон иазыхиоуп

26:26 - Акурортә сезон инамаданы Гагра ақалақь аҟны изакәанымкәан иргылаз атурфирмақәа рӡыргаратә ҭыӡқәа рықәгара напы аркуп.

28:29 - Аҭоурыхтә милаҭтә гәарҧ «Аҧсны» аҿы алаванда шәҭқәа рааӡара напы адыркит

Уи иалахәын ареспублика егьырҭ аиҿкаарақәа рхаҭарнакцәагьы. Излацажәоз азҵаарақәа Наала Чхьынџьериаҧҳа ланҵаҵамҭаҿы.

Ареспубликатә унитартә наплакы «Аҧснытәи аихамҩа» анапхгареи, аусзуҩцәеи аҵыхәтәантәи ашықәсқәа ирылагӡаны анаплакы иаҵанакуа аинфраструктура аиҭашьақәыргыларазы имҩаҧыргахьоу аусурақәа маҷым. Уи ус шакәыз агәра ргеит ҳкорреспондентцәагьы.

Жәларбжьаратәи аспорттә еицлабрақәа БРИКС раҧхьатәи амш азы, ҩыџьа ҳаспортсменцәа амедалқәа ргара рылшеит. Асамбо аҿы аџьаз медал игеит Раҳман Напиџьев. Убасгьы, аџьаз медал иҽаҧсеитәит Урыстәыла азы ихьанҭоу атлетика аҟны иқәгылоз Елҟан Гәазаа. Брикс аҩбатәи амш амҩаҧысшьа, ҳаҧсуа спортсменцәа рхы зладырхәыз иарбан еицлабрақәоу уҳәа ирызкуп анаҩстәи ҳанҵамҭа.

Урыстәылатәи Афедерациа аекономикатә ҿиара аминистр ихаҭыҧуаҩ Дмитри Вольвач даҭааит Аҟәа ареспубликатә хәыҷтәы хәышәтәырҭа аргылара ахьазгәаҭоу аҭыҧ. Иара ицын аҧыза-министр ихаҭыҧуаҩ, аекономика аминистр Кристина Озган, агәабзиарахьчара аминистр Едуард Быҭәба, акапиталтә ргылара аусбарҭа аиҳабы Ҭемыр Агрба, ареспубликатә хәышәтәырҭа аҳақьым хада инапынҵақәа назыгӡо Ерик Ҳаҭхәа. Аихагылақәа хҧа змоу ахәышәтәырҭаҿы иҟалоит хынҩажәи хә-ҩык ахәыҷқәа рҭыҧ. Ахәышәтәырҭа аргылара иазоужьуп фышәи ҩынҩажәи жәаба миллион мааҭ.