![Абхазская Государственная Телерадиокомпания](/images/2022/09/12/logo.png)
![Абхазская Государственная Телерадиокомпания](/images/2022/09/12/logo.png)
Очамчыра ақалақь аҟны иаартуп ашколхәыҷқәа ргәабзиара ахьдырҕәҕәо аҧхынтәи ахәыҷтәы ҧсшьарҭа, убасгьы иаарласны ашколқәа рҿы иҟаҵахоит аспорттә дәқәа, Казан имҩаҧысыз аҵара аминистрцәа аҩбатәи жәларбжьаратәи рфорум ахықәкы, - уҳәа атемақәа жәпакы дырзааҭгылеит аҵара аминистр Инал Габлиа имҩаҧигаз апресс -конференциаҿы. Ажәабжь иацырҵоит ҳкорреспондентцәа.
Очамчыра араион Ҕәада ақыҭа ашҟа уназгоу амҩа акаҭран ықәырҵеижьҭеи акыр шықәсқәа ҵуеит. Убри иахҟьаны акырџьара иҭаҧыҽҽит. Уажәы аҳәынҭқарра ацхыраарала еиҭашьақәдыргылоит. Аусурақәа рынагӡара иазоужьуп аашә- нызқь мааҭ аҧара.
Уи темас иаман «Аҧсны аҭоурых ахыҵхырҭақәа: урҭ рҟазшьарбагеи рыхәшьареи» - ҳәа. Аҵарауаа ҿарацәа реиҧылара далахәын Аҧсны Ахада иусбарҭа аиҳабы Абесалом Кәарҷиа.
Аҧснытәи аҳәынҭқарратә музеи аҭоурых еидызкыло амҩақәҵагашәҟәы ҭыҵит . Акультуратә хәышҭаара –амузеи аҿиара амҩа иазку адыррақәа анылеит, еизгоуп ҳаҧсуа жәлар ркультура, рҭоурых. Ашәҟәы редакторс дамоуп Аркади Џьопуа.
Аҧсны ашколқәа рҿы иалагалатәуп аҧсуара амаҭәар ҳәа, даҽазныкгьы азҵаара шьҭырхит Аҧсны асоциал-економикатә ҭҵаарақәа рцентр имҩаҧнагаз астол гьежь аҿы. Тема хаданы иқәгылан ахаҭареи ауаажәларреи рышьақәыргылараҿы аҵарадырра факторк аҳасабала. Ажәабжь иацырҵоит ҳкорреспондентцәа.
Аҟәа ақалақь аҿы имҩаҧысит ашкол иалгаз аҵаҩцәа рбал. Уахь имҩахыҵыз ирзыҧшын аконцерттә программа. Аусмҩаҧгатә иалахәын Аҟәа ақалақь ахада ихаҭыҧуаа, Жәлар Реизара адепутатцәа.