* Aхаша, 26 Рашәара 2024

Очамчыратәи аспорттә школ аҟны имҩаҧган карате-шаториуи, напышьашәалатәи ақәҧареи рзы ареспубликатә турнир. Уи иалахәын Аҧсны араионқәа зегьы рҟынтәи аспортсменцәа қәыҧшцәа.

Иара рашәарамза ҩажәи ҧшьба инаркны ҩажәи фбанӡа Аҟәатәи ақалақьтә ахәыҷтәы поликлиникаҿы згәабзиара кәадоу ахәыҷқәа идикылоит хәыда-ҧсада. Уажәазы ишьақәыргылоуп ҧшь-ҩык ахәыҷқәа аҧҟара рҭахны ишыҟоу. Илизаров ихьӡ зху амедицинатә центр аҟынтәи аҳақьым иаара алыршан афонд Ашана имҩаҧнаго акциа «Згәы бзиоу абиҧара» аҳәаақәа ирҭагӡаны. Ажәабжь иацылҵоит Лаура Қаҧшьҧҳа.

Жәларбжьаратәи ахәмаррақәа БРИКС ирылахәыз ҳаҧсуа спортсменцәа алҵшәа бзиақәа аарҧшны, рыҩныҟа ихынҳәит. Ҧшьынҩажәи жәаба тәыла ахьалахәыз ажәахатәи аҭыҧ ааннакылеит Аҧснытәи акоманда. Ахьтәы медал, араӡын, аџьаз медалқәа хәба рыманы иаҳзааит. Ҳаспортсменцәа Гагра ирҧылеит шәаҳәарала, кәашарала. Дара ргәалаҟазаара, рыгәҭақәа Асида Саҕариаҧҳа ланҵамҭаҿ.

Аҧсны жәлар реизараҿы аҳәынҭқарра-зинтә политиказы аилак имҩаҧнагеит аилатәара, Аҧсны аҩныҵҟатәи аусқәа рминистр Роберт Киут далархәны. Ирылацәажәеит ҳтәыла аҳәааҿы иҟалаз аиҿахысреи, убасгьы Аҳабла ҿыц амилициа актәи аҟәшаҿы аҭыҧ змаз ахҭыс инамаданы иаладырҵәаз авидеонҵамҭеи. Ажәабжь иацырҵоит ҳкорреспондентцәа.

Урыстәылатәи агидцәа Аҧсны аекскурсиа амҩаҧгара ралагара ицәырнагоз азҵаарақәа ирылацәажәеит Жәлар реизара апарламенттә еилакы аилатәараҿы. Уи ашҟа ааҧхьара рыман атәыла Ахада иусбарҭа анапхгаҩы Абесалом Қәарҷиа, аҧыза -министр ихаҭыҧуаҩ, аекономика аминистр Кристина Озган, аекскурсиа амҩаҧгаҩцәа рзаанаҭеидгылеи, атуризм аминистрреи рхаҭарнакцәа.