Аҧсуаа ркультура аазырҧшуа акәашара ауп уажәы ҳазлацәажәарц иаҳҭаху. Ростов имҩаҧысуаз Урыстәылазегьтәи алитература-фольклортә фестиваль Аҧснынтәи иалахәын Кандид Ҭарба ихьӡ зху жәлар рыкәашара аҳәынҭқарратә ансамбль «Кавказ». Аҭыҧантәи ахәаҧшҩы агәахәара ду инаҭеит ари аколлектив ақәгылара. Шәахәаҧш анҵамҭа.
Жәларбжьаратәи ахәыҷқәа рыхьчара амш ныҳәа аламҭалаз Аҧсны Ахада Аслан Бжьаниа Калдахәаратәи ашколи Аҟәатәи алицеи аинтернатқәа дырҭааит. Аҳамҭақәа риҭеит. Ажәабжь иацылҵоит Алика Ҭраҧшьҧҳа .
Ҩ-нызқьи ҩажәи хҧа шықәсазтәи ареспубликатә биуџьет анагӡашьазы азакәан рыдыркылеит жәлар реизара адепутатцәа аҩбатәи аҵыхәтәантәи аҧхьараҿы. Иҳаҩсыз ашықәсазтәи амилаҭтә банк аҳасабрба шьақәдырҕәҕәеит адепутатцәа. Ирыдыркылеит иҳәынҭқарратәым ф-биуџьетк рфондқәа рынагӡашьазы аҳасабырба. Ажәабжь иацырҵоит ҳкорреспондентцәа .
Аҧсны Ахада Аслан Бжьаниа афымцанхамҩа аҭагылазаашьеи, Ареспублика асоциал–економикатә ҿиаразы аинвестициатәи, ақыҭанхамҩа арҿиареи, анхарҭақәа рзы хықәкылатәи аҳәынҭқарратәи программақәа рынагӡашьа азҵаарақәа рзы аилацәажәара мҩаҧигеит. Уи иалахәын аҧыза-министр Александр Анқәаб, Ахада ихаҭыҧуаҩ Бадра Гәынба, Ахада иусбарҭа аиҳабы Абесалом Кәарҷиа, аҧыза-министр актәи ихаҭыҧуаҩ, афымцамчи атранспорти рминистр Џьансыхә Нанба, аҧыза-министр ихаҭыҧуаҩ, аекономика аминистр Кристина Озган, Амшынеиқәафымцамч анапхгара, араионқәеи ақалақьқәеи рхадацәа. Инеизакны ари аилацәажәараҿ иззааҭгылаз Лаура Қаҧшьҧҳа ланҵамҭаҿ.