Цәгьала иҧшӡаз ари аныҳәа рхы аладырхәт хәыҷи дуи зегьы. Ахәыҷқәа ирхамшҭуа амш рзеиҿыркааит аҳҭнықалақь ахадара. Ҳкорреспондент Наала Чхьынџьериаҧҳа дахәҭакын ари аныҳәа.
Афырхаҵа иҭаацәеи, иуацәеи иҭынхацәеи ирыдышшылеит Аҧсны Ахада Аслан Бжьаниа, аус ицызуаз, ицеибашьуаз. Даур Хмелиов иааирҧшыз агәымшәаразы ианашьоуп “Афырхаҵаразы” аорден.
Адепутатцәа злацәажәаз жәиҧшь зҵаара рзы ақәҵарақәа рыдыркылеит. Урҭ ртәы Шьазина Ханагәуаҧҳа ланҵамҭаҿы.
Аҧсны Ахада Аслан Бжьаниа атәылахьчара аминистрра арратә госпиталь хада ҳамҭас иеиҭеит аультрабжьыла аҭҵаара зламҩаҧырго зеиҭагара маншәалоу амедицинатә мыруга. Ахада убасгьы ахәышәтәырҭаҿы имҩаҧысуа аиҭашьақәыргыларатә усурақәа рынагӡашьа гәеиҭеит. Сынтәа аҳәынҭқарратә биуџьет аҟынтәи агоспиталь аиҭарҿыцразы иазоужьын ҩажәи жәаба миллион мааҭ аҧара. Ажәабжь ҳзеиҭалҳәоит Амра Зарандиаҧҳа.