* Aҩаша, 18 Рашәара 2024

Сынтәа еиҿкаарала акурорттә сезон аҧылараз ҳреспубликаҿы аҧсшьаҩцәа рацәаҩны изҭаауа аҭыҧқәа рҟны имҩаҧгоу аусурақәа маҷӡам, уажәгьы урҭ ирыцҵоуп. Шәахәаҧш Гәдоуҭа ҳкорреспондентцәа иҭырхыз анҵамҭа.

Аҵыхәтәантәи амшцәгьақәа раан Кындыҕ ақыҭа иахьаҵанакуа ареспубликатә мҩаду ахықә хышә метра инарзынаҧшуа аӡы иҵнаӡәӡәааит. Уажәы аиҭашьақәыргыларатә усурақәа нап дыркуп.

Аҧсны ахада иусбарҭа ацхыраарала, Аҟәа имҩаҧысуа «Акультуратә марафон» аҳәаақәа ирҭагӡаны, ҩаҧхьа акультуратә платформа «ГУМА» аҿы имҩаҧган аҵарадырратә лекциа «Аҧсны жәлар рашәа ҳаамҭазтәи адунеиаҿ» захьӡыз. Аҿар рҿаҧхьа дықәгылон амузыкант, адирижиор, акомпозитор, Аҧсны жәлар рартист, Аҧснытәи аҳәынҭқарратә хортә капелла асахьаркыратә напхгаҩы Нодар Ҷанба. Алекциақәа дырҭааит атәыла ахада иусбарҭа анапхгаҩы Абесалом Кәарҷиа. Ажәабжь иацылҵоит Наала Чхьынџьериаҧҳа.

Данил Харчлаа зых иақәиҭу аиқәҧаразы хынҩажәи хәба кьыла зкапануа рыбжьара аџьаз медал даҧсахеит. Иара Китаинтәи аспортсмен дииаит жәеиза - ноль ҳәа. Убасгьы ари аиндаҭлараҿы ахҧатәи аҭыҧ ааникылеит Мураҭ Кәакәасқьыр.