![Абхазская Государственная Телерадиокомпания](/images/2022/09/12/logo.png)
![Абхазская Государственная Телерадиокомпания](/images/2022/09/12/logo.png)
Аҳҭнықалақь аилыргара азы идәылҵит еиуеиҧшым аусбарҭақәа рхаҭарнакцәа, ауааҧсыра, ахәыҷқәа. Аҟәа ақалақь ахада Беслан Ешба , ақалақьтә гәыҧ аҧҵан. Урҭ аусурақәа реиҿкаареи рымҩаҧгареи хылаҧшра арҭон. Ажәабжь иацырҵоит ҳкорреспондентцәа.
Уи иабзоураны , аҵаҩцәа амҵәышәымпыли,анапылампыли, ашьапылампыли, аҧқьаҭмпыли рзы ахәмаррақәа мҩаҧыргартә аҭагылазаашьа бзиақәа роуеит.
Сынтәа Аҧсны ашколқәа ибзиаӡаны ҳәа ирылгеит шәи ҩыџьа-ҩык. Урҭ рахьтә ахьтәи араӡни медалқәа рыла иалкаахеит жәаҩа-ҩык. Аҧсуа драматә театр аҿы имҩаҧысуаз аушьҭымҭацәа рыхәлҧаз даҭааит Аҧсны ахада Аслан Бжьаниа. Иахьа иаушьҭымҭацәоу, уаҵәы истудентцәахо аҿар ргәалаҟазаара зеиҧшраз анаҩстәи анҵамҭаҿы.
Адунеи жәларбжьаратәи БРИКС ахәмаррақәа ирылахәыз аҧсуа спортсменцәа ҳтәыла ахьӡ-аҧша даҽазныкгьы ишьҭырхит. Рашәарамза ҩажәи ҩба амш ҳҭоурых аҿы иаанхоит,уи аҽны жәларбжьаратәи аренаҿы раҧхьаӡа акәны Аҧсны аҳәынҭқарра агимн арҳәан. Аиааира згаз аспортсменцәа ҷыдала ирыдырныҳәалеит аминистрцәа реилазаара акҭтә зал аҿы. Атәыла ахада Аслан Бжьаниа ахьтәы медал иаҧсахаз Герман Арџьениа «Ахьӡ-Аҧша» аорден ахҧатәи аҩаӡара ианаишьеит.