* Aхаша, 06 Хәажәкыр 2024

Урыстәыла Украина имҩаҧнаго арратә аоперациа ҷыда иалахәыз, зыҧсҭазаара иалҵхьоу Башкортосҭани Аҧсныи рҵеи, аҧшыхәцәа ргәыҧ арота акомандирс иҟаз, асержант еиҵбы, Давид Сабекьиа игәалашәара аҳаҭыр азы Гәылрыҧшь араион Агәыӡера аҳабла аҩнқәа руак аҿы иаартуп агәаларшәагатә ҕәы.

Егьа аамҭа рацәа царгьы, ҩажәи жәаба шықәса раҧхьа Аҧсны ахьчаҩцәа ргәымшәара, рфырхаҵара амцажәлеиҧш абиҧарақәа еимырдалоит. Урҭ рыхьӡ аиқәырхара акәын изызкыз мышқәак раҧхьа Гәдоуҭа араион Аацы ақыҭан имҩаҧысыз аиҧылара.