* Aҩаша, 12 Хәажәкыр 2024

Ареспубликатә унитартә наплакы «Амшынеиқәафымцамч» аусура иацнаҵоит. Убас Гагра араион Алаҳаӡы ақыҭан аинвестициатә программа аҳәаақәа ирҭагӡаны шәи жәаба киловольт аазышьҭуа афымцаеихшарҭа аиҭашьақыргылара иаҿуп.Аҭыҧ аҿы аус руан ҳкорреспондентцәа .

Уи иалахәын атәыла Ахада Аслан Бжьаниа, ахада ихаҭыҧуаҩ Бадра Гәынба, ареспубликаҿы иҟоу Урыстәыла ацҳаражәҳәаҩ Михаил Шургалин, аҧыза-министр Александр Анқәаб , Жәлар Реизара аиҳабы Лаша Ашәба . Афорум аҟны ирылацәажәеит Аҧсныи Урыстәылеи реизыҟазаашьаҿы актуалра злоу азҵаарақәа, ааигәа Шәача имҩаҧысыз жәларбжьаратәи афестиваль алҵшәақәа. Аҧсны аҽар рфорум иалахәыз Урыстәыла ахадас Владимир Путин икандидатура ишадгыло атәы рҳәеит. Ажәабжь иацырҵоит ҳкорреспондентцәа.

Аибашьра актәи амшқәа инадыркны Кәтол ақыҭан иеиҿкааз агәыҧ «Дельфин» аҿы деибашьуан . Аҧсадгьыл ахьчаҩ ицеибашьуаз иҩызцәа ргәалашәараҿы згәы еиҭамҧоз фырхаҵаны даанхоит.

Аҧсны Аџьынџьтәылатә еибашьра аветеран, азанааҭ еидгылақәа рфедерациаҿы акыр шықәса аус зухьаз Гәрам Владимир-иҧа Кьекьелиа ицеибашьуаз иҩызцәа дыргәаладыршәон. Аҧсны азанааҭеидгылақәа 100 шықәса рхыҵра инамаданы, аиубилеитә медал Гурам Кьекьелиа иҭаацәа рнапаҿы ирыҭан.

Ипоезиа аҧсуаа иашәаны еицырҳәоит . Даартын , иара убри аан , дагьраӡан . Хәажәкыра жәеиза рзы, ҧшьынҩажәи хәба шықәса ҵит еицырдыруа аҧсуа поет, Дырмит Гәлиа ихьӡ зху апремиа алауреат Таиф Аџьба диижьҭеи. Абаҩхатәра ду злаз арҿиаҩы рыцҳарыла иҧсҭазаара ҿахҵәеит Аҧсны жәлар рџьынџьтәылатә еибашьраан. Таиф Аџьба ихьӡ зху Аҷандаратәи ашколи, Гәдоуҭа араион ахадареи, аҵара аҟәшеи еиҿыркааит агәаларшәагатә хәылҧазы. Шәахәаҧш анҵамҭа.