Иара ахәаҧшцәа рзы аус адырулоит Самсон Ҷанба ихьӡ зху аҳәынҭқарратә Аҧсуа драматә театр аҿы. Ақәыргыламҭа аӡыргара ҟалоит хәажәкырамза ҩажәи фба - ҩажәи быжьба рзы. Аусумҭа арежиссорс дамоуп Бенар Ақаҩба. Ҳҭыхратә гәыҧ аҽазыҟаҵара иалахәын. Атема иацылҵоит Лаура Қаҧшьҧҳа .
Аҩбатәи атур мҩаҧыргон Аҟәа ақалақь ахадара иатәу амуниципалтә ҵарадырратә усбарҭа аусзуҩцәа. Аҧхьаҟа ишьҭоуп ахҧатәи ареспубликатә аолимпиада. Уи еиҿызкаауа, насгьы аҩбатәи аицлабра алҵшәақәа Наала Чхьынџьериаҧҳа ланҵамҭаҿы.
Аҧсны ари арыцхә азгәаҭара иалагеит ҩнызқьи жәеиза шықәса рзы. Ҳазҭоу ашықәс Дырмит Гәлиа ишықәсны изларылаҳәо ала ,ҳтәыла ашәҟәыҩҩцәа реидгыла аҧшьгарала апоезиа амш азгәарҭеит Уарча, арккаҩы ихьӡ зху абжьаратә ашкол аҿы. Ажәабжь иацырҵоит ҳкорреспондентцәа.
Уи аганахь ала Гәылрыҧшь араион аҿы аҭагылазаашьа зеиҧшроу аилкааразы ақыҭанхамҩа аминистр Беслан Џьопуа араион амашьына-технологиатә станциа даҭааны ибеит. Убасгьы аминистрра аспециалистцәа Очамчыратәи амашьына технологиатә станциа анхацәа рымаҵ аура иахьынӡахиоу гәарҭеит. Ажәабжь иацырҵоит ҳкорреспондентцәа.
Урҭ рынагӡаразы Ареспубликатә биуџьет аҟнытә иоужьын х-миллион мааҭ инарыцны.Аусурақәа рхырқәшара азгәаҭоуп мчыбжьык иалагӡаны. Ажәабжь иациҵоит Алиас Корсаиа.
Аҧсны атуризм аминистр Ҭеимураз Хышба напхгара зиҭо аделагациа алахәуп Москва зусура хацзыркыз жәларбжьаратәи атуризми асасдкылареи риндустриа ацәыргақәҵа МИТТ- 2024. Ажәабжь иацылҵоит Москва иҟоу ҳкорреспондент Нонна Кәакәасқьырҧҳа.
Аилатәара аҟны ирылацәажәеит аҵаразы азакуан апроект , амилаҭтә ҵарадырра аконцепциа , аҧсуа милаҭтә школқәа рҟны ахатәы бызшәазы апрограмма ауадаҩра , аҵара аплан уҳәа убас азҵаарақәа жәпакы. Ажәабжь иацылҵоит Наала Чхьынџьериаҧҳа .