* Aҩаша, 24 Цәыббра 2024

Цәыбрра мза жәохә инаркны ҩажәи ҩбанӡа Аҧснытәи еизгоу акоманда алахәын Урыстәылатәи афедералтә дгьылҵакыра Сириус аҿы имҩаҧысуаз ахҧатәи иаарту жәларбжьаратәи астрономиатә олимпиада. Лахәылацәас иҟан жәохә ҳәынҭқарра инарзынаҧшуа. Аҧснытәи акоманда шьақәгылан Аҟәатәи ашколқәа рҵаҩцәа рыла. Ажәабжь иацылҵоит Наала Чхынџьериаҧҳа.

Аиааира амш аламҭалазы Аҧсны атрансфер рныҟәцаҩцәа рхеилаки, атакси арныҟәцаҩцәеи, аекскурсиа амҩаҧгаҩцәеи, атуристтә фирмақәа рхаҭарнакцәеи ҳаҧсадгьыл зхы ақәызҵаз аҵеицәа рҭаацәа рзы агәыҳалалратә акциа мҩаҧыргеит. Хымз ирылагӡаны жәаба -жәаба нызқь мааҭ аҧаратә ҳамҭақәа рзыршеит. Аиааира аламҭалазы акциа хыркәшан. Имҩаҧыргаз аусурақәа ртәы анаҩстәи ҳанаҵамҭаҿы.

Иара аатит аиааиреи ахьыҧшымреи рымшныҳәа аламҭалаз Тамшь ақыҭан, «Тамшь Виллаџь» асасааирҭаҿы. Уи еиднакылеит шәҩык рҟынӡа аҭыҧҳацәеи арҧарцәеи.Дара аҭыҧантәиқәеи хатәгәаҧхарала еибашьуаз аҧсадгьыл ахьчаҩцәа рхәыҷқәеи рмаҭацәеи роуп. Иара убас Курсктәи аобласт аҟынтәи гәыҧҩык аҿар рылоуп. Алагер амҩаҧгара алыршахеит Аҧсны аҿари аспорти русқәа рзы аҳәынҭқарратә еилакы абзоурала.