* Aшәахьа, 02 Цәыббра 2024

Раҧхьатәи аҵәҵәабжьы дыргеит раҧхьаӡа акәны ашкол ахыбрахь иҩналаз быжь-ҩык ахәыҷқәа рзы. Иҩбахаз- ашкол ҿыцны аҧсы ахарҵеит. Ахыбра акраамҭа иамбацыз аиҭашьақәыргыларатә усуруқәа абеит. Уи аҩыза аҳамҭа ссир ҟаиҵеит зқыҭа гәакьа згәы азыбылуа, зышколтә аамҭақәа гәыкала изгәалашәо, Аҧсны афырхаҵа Заур Зарандиа.

Уахьиз –уахьааӡаз уқыҭа угәы аназыбылуа акала сацхраандаз ҳәа уазыҳаҵҳаҵоит. Аҳамҭа рзыҧшын Тамшьтәи абжьаратә школ аҵаҩцәа. Уажәшьҭарнахыс рҵаратә процесс мҩаҧыслоит ҿыц еиҭашьақәыргылоу ашкол аҿы. Ҳаамҭазтәи анормақәа инарықәыршәаны аҩбатәи аихагылаҿы аремонттә усурақәа мҩаҧган. Уи алыршахеит, Аҧсны Жәлар реизара адепутат Резо Занҭариа иҟаиҵаз ацхыраара иабзоураны.

Асовет аамҭазы Аҧсны ахьӡ ҭызгаз, Аолимпиатә хәмаррақәа рҿы аҵәыршәразы араӡны медал зҽаҧсазтәыз, Саида Гәынба, лыҧсы ҭаны дҳалагылазтгьы илхыҵуан ханҩажәи хәба шықәса. Аспорт ду аҿы зыиаҵәахә аанзыжьыз, жәларбажьаратәи акласс змоу аҟаза Саида Гәынҧҳа илҳәалон – «агәырҕьареи, ахьааи, абзиабареи зцыз аспорт хкы- аҵәыршәра- даҽа знык алшара сымазҭгьы ҩаҧхьа санысуан», ҳәа. Шәахәаҧш Саида Гәынба лгәалашәара аҳаҭыразы Наала Чхьынџьериаҧҳа иазлырхиаз анҵамҭа.

Ашкол ахь ицо хышәи ҩажәа- ҩык ахәыҷқәа шәҵатәылеи шьаҵатәылеи еиқәдыршәеит. Амра Зарандиаҧҳа далахәын ари агәыҳалалратә аус бзиа.

Аҧсадгьыл ашәарҭара ианҭагыла,уи ахьчаразы иаразнак игылаз дыруаӡәкуп Кутол ақыҭа иалҵыз Џьамал Чагәаа.Агәымшәареи агәаҕьреи злаз Џьамал ианашьоуп Аҧсны Афырхаҵа ҳәа ахьӡ ҳаракы.Иара иҧсы ҭазҭгьы хынҩажәи жәаба шықәса ихыҵуан, игәаларшәаразы анышә дахьамадоу аҳаҭгәын аҿы ишьҭыхын Аҧсны абираҟ.