* Aҩаша, 17 Цәыббра 2024

Аҧсны Ахада Аслан Бжьаниа идҵала, Агәмаа лыхьӡ зху, Галтәи актәи абжьаратә школ аҟны аспортзал аиҭашьақәыргылара иаҿуп. Уи азы аҳәынҭқарратә биуџьет аҟынтәи ҩ-миллиоки жәнызқь мааҭ аҧара азоужьуп. Убасгьы Тҟәарчал араион Галхәыҷы ақыҭаҿы иҟоу актәи абжьаратә школ ашҭаҿы аспорт дәы аргыларазы аусурақәа цоит. Уи азы аа-миллион мааҭ инареиҳаны аҧара ареспубликатә биуџьет аҟынтәи иныхуп. Аусурақәа рцашьа Амра Зарандиаҧҳа иазлырхиаз анҵамҭаҿы.

Шықәс дуӡӡак иззықәҧоз аиааира ду амш ҩы-мчыбжьа шагыз иҭахаз иреиуоуп Аҧсны афырхацәа ҳәа ахьӡ ҳаракы иаҧсахаз Кутолаа рҵеицәа Заур Сақаниеи Зурик Санӡааи .Аҟәа ахақәиҭтәразы ажәылара актәи амш азы рыҧсадгьыл рхы ақәырҵеит . Анышә иахьамадоу рҳаҭгәынқәа рҿы абираҟқәа шьҭырхит ари амш аҽны. Уи рыбзоуроуп Кәтолаа рҵеицәеи аҭыҧантәи анхацәеи. Ажәабжь иацылҵоит Наала Чхьынџьериаҧҳа .