* Aшәахьа, 23 Цәыббра 2024

Аҳауа еиҭакрақәа ҳтәылаҿы есышықәса еиҧшӡам. Иҟоуп ҭагалан еиҳа ахьҭа ацны ианымҩасуа мамзаргьы аҳауа аҧхарра аныҳараку. Сынтәа ҭагалан зеиҧшрахо атәы иазкуп анаҩстәи ҳанҵамҭа.

«Сыхдырҵәеит, сыхҵәараххеит…» -абас ахьӡуп адунеи акьыҧхь иахәҭакхаз, ауаажәларратә усзуҩ, апублицист, ашәҟәыҩҩы, ҳџьынџьуаҩ Ҳаири Қәҭарба амҳаџьырра иазкны ииҩыз иҭоурыхтә роман. Аҧснытәи амилаҭтә библиотекаҿы имҩаҧысит ашәҟәы аӡыргара. Аиҧылара шымҩаҧысыз Наала Чхьынџьериаҧҳа ланҵамҭаҿы.

Аҧсны акриминогентә ҭагылазаашьа акырӡа еиҕьхеит. Амҩатә машәырқәа рҿы аҭагылазаашьа аҭышәынтәаларазы аусура дырҕәҕәеит, алҵшәақәагьы ыҟоуп Изыбзоуроу Урыстәылеи Аҧсныи русеицзура ауп. Абас азгәарҭеит Амчреи азинхьчареи русбарҭақәа рхаҭарнакцәа имҩаҧыргаз инеиҵыху акоординациатә хеилак аиалатәараҿы. Ирзааҭгылеит хәышықәсатәи русура алҵшәақәа. Аилатәара иалахәын Аҧсны Ахада Аслан Бжьаниа,ихаҭыҧуаҩ Бадра Гәынба, Аҧыза-министр Александр Анқәаб , Жәлар реизара аиҳабы Лаша Ашәба . Ажәабжь иацылҵоит Фатима Гьергьиаҧҳа.