* Aҧшьаша, 26 Цәыббра 2024

Аҟәатәи ажәиҧшьтәи абжьаратә школ аҿы акласстә уадақәеи, ашкол ахыби, аспорттә зали реиҭашьақәыргыларазы аусурақәа ирҿуп. Уи азы Аҟәа ақалақь абиуџьет аҟынтә иазоужьын аҧара. Иахьазы аусурақәа рыхәҭак хыркәшоуп,иҟоуп зынагӡара иаҿугьы . Ажәабжь иацырҵоит ҳкорреспондентцәа.

Аҟәатәи аҳаирбаҕәазаҿы аҳәынҭқарратә ҳәаа ахысраз аушьҭырҭатә ҭыҧ еиҿкаахоит . Уаҟа аус рулоит аветеринартә , акарантинтә , асанитар-епидемиологиатә маҵзурақәа . Зсоциалтә ҭагылазаашьа уашәшәыроу Аҧсны ауааҧсыра есымза аҧаратә цхыраара рырҭалоит. Иара убасгьы, апсихиатриатә цхыраара аҟаҵаразы аҧҟарра шьақәзырҕәҕәо адокумент ҳтәылаҿы раҧхьаӡа акәны ирыдыркылеит. Абарҭи егьырҭ азҵаарақәеи ирызкын Аҧсны Аминистрцәа реилазаара имҩаҧнагаз аилатәара.