* Хәажәкыр 2026

Есышықәса, хәажәкыра ҧшьба рзы Сергеи Уасил-иҧаанышә дахьамадоу Џьгьарда ақыҭа иаҭаауеит хыҧхьаӡара рацәала атәыла ауааҧсыра. Сергеи Уасил-иҧа игәалашәара аҿаҧхьа ихырхәеит аҳәынҭҭкарра Ахада Бадра Гәынба, ихаҭыҧуаҩ Беслан Бигәаа, Аҧыза-министр Владимир Делба, Аҧсны иҟоу Урыстәыла ацҳаражәҳәаҩ Михаил Шургалин, аиҳабыра рхаҭарнакцәа, ауаажәларра ашколхәыҷқәа.

Хәажәкырамза ҧшьба ҳҳәынҭқарразы акрызҵазкуа ҭоурыхтә рыцхәуп. Ҩ-нызқьи жәа-шықәса,хәажәкыраҧшьба рзы иҧсҭазаара далҵит Аҧсны раҧхьатәи Ахада , ҳаамҭазтәи Аҧсуа ҳәынҭқарра ашьаҭаркҩы Владислав Арӡынба. Иара убас,хзажәкыра ҧшьба рзы диит аҳәынҭқарра аҩбатәи Ахада, Аҧсны ахьыҧшымра азаагара зыхьӡ адҳәалоу Сергеи Багаҧшь. Арҭ арыцхәқәа инарымаданы, Аҧсны анапхгареи, аиҳабыреи , ауаажәларра рхаҭарнакцәеи, ашколхәыҷқәеи ақыҭақәа Ешыреи Џьгьардеи ирҭааит, Владислав Арӡынбеи Сергеи Багаҧшьи ргәалашәара аҿаҧхьа ихырхәаразы.

Акаҳуажәырҭа "Пингвин" инаркны Аҟәатәи абааш аҟынӡа зеиҭашьақәыргылара иалагаз аҧшаҳәа лыҧшаах ҭыҧхеит археологцәа рзы. Аҧшаарақәа рымҩаҧысшьа, археологцәа рыгәҭакқәа анҵамҭаҿы.

Мызкы инарзынаҧшуа иҵуеит ҳтәылаҿы алашара ҧхьаӡага ҿыцқәа рықәыргыларазы аусура хацыркуижьҭеи. Иалагеит ҳаҳтнықалақь ала, Аҳабла ҿыц аҩнеихагыда дуқәа рҿы аҧсахра иаҿуп. Иахьазы жәаҩа ҩны рҿы иқәыргыланы иалгахьеит. Иааидкыланы, Аҟәа ақалақь аҿы иҟоуп 200 ҩнеихагыла инареиҳаны. Ажәабжь иацырҵоит ҳкорреспондентцәа.

Афон ҿыц ақалақь аҩныҵҟа изызҳауа ҩышәи хынҩажәа пальма рҟынтәи ,ҩынҩажәа ықәгатәхеит иахьҩаз азы. Ф-пальмак реиқәырхара алшеит. Ажәабжь иацырҵоит ҳкорреспондентцәа.

Арҭ амшқәа рзы адунеи ажәларқәа рхаҭарнакцәа зегьы ргәы хыҭ-хыҭуа Алада Мрагылара аҳәынҭқаррақәа рҿы ицо ахҭысқәа рзы ажәабжьқәа ирзыӡыҩруеит. Ирацәаҩуп урҭ атәылақәа рҿы зыҧсшьара аамҭа зхызгоз атуристцәа. Ҳтәыла ауааҧсыра ракәзар, урҭ рхыҧхьаӡараҿ иҟаз рыхәҭак хынҳәхьеит.