* Aсабша, 01 Хәажәкыр 2025

Араҟа игылаз хәба- фба рҿынӡа амашьынақәа аҧхасҭа рыҭан, рбырбалқәа ҧыҟҟоуп. Ари ахҭыс ахҳәаа азыҟаиҵеит Аҧсны жәлар реизара адепутат Леонид Лакербаиа.

Абжьыҭара еиҿкаауп азакуан инақәыршәаны . Шьыжьнаҵы алхыҩцәа активра аадырҧшуеит .

Москва иахьҵаауа иахҟьаны, алхыҩцәа рзы алхратә ҭыҧ азааигәара адәынтәи акрыфарҭа еиҿкаауп , ачаи ҧха рызҭарҭәоит .

Очамчыра араион аҿы алхырҭатә ҭыҧ хадақәа хәба ыҟоуп. Ари араион аҿы аус зуа ҳкорреспондент Алиас Корсаиа адырра злаҟаиҵо ала, алхырҭатә ҭыҧқәа зегьы аус руеит , абжьыҭарахь иааиуа рхыҧхьаӡара рацәоуп. Аҧсны ахадарахьы акандидат Бадра Гәынба ихаҭыҧуаҩ Беслан Бигәаа ибжьы аиҭит ҩажәи жәаҩатәи алхырҭатә ҭыҧ хада ахҧатәи алхырҭатә ҭыҧ аҿы.

Ҳкорреспондентцәа амш иалагӡаны раионқәа зегьы рҟынтәи алхрақәа рымҩаҧысшьа шәзеиҭарҳәалоит.

Хәажәкыра ҩба рзы Очамчыратәи аспорттә школ аҟны иаатуеит Аҧсны Раҧхьатәи Ахада Владислав Арӡынба игәалашәара иазку карате кеокусинкаи азы абыжьбатәи жәларбжьаратәи атурнир. Аицлабрақәа еиҿкаауп Очамчыра араион ахадареи, карате кеокусинкаи азы Аҧсны афедерациеи, агәыҧ Абраскьыли рымчала.