* Aҧшьаша, 20 Хәажәкыр 2025

Ҩы-шықәса ирылагӡаны Аҳәынҭқарратә бызшәатә политиказы аусбарҭа аусзуҩцәа аҧсшәахь еиҭаргеит ашәҟәҿыцқәеи аудио хархәагақәеи, иара убасгьы ицхыраагӡоу ашәҟәқәеи еиуеиҧшым аелектронтә хархәагақәеи ҭрыжьит. Имҩаҧысит аҵыхәтәантәи ҩы-шықәса рзы имҩаҧгаз аусқәа раҳасабырба. Уи далахәын Фатима Гьергьиаҧҳа.

Шә-миллион мааҭ рҟынӡа иаҧсоу амедицинатә маруга Урыстәыла агәабзиарахьчара аминистрра ҳамҭас Аҧсныҟа иаанашьҭуеит. Ангиограф ахыбра ҷыда азыргылара аус абиуџьет аҟынтә аҧара азоужьхоит. Аусурақәа нанагӡалоит акапиталтә ргылара аусбарҭа. Аҧыза министр инапынҵақәа назыгӡо Владимир Делба адырра ҟаиҵеит ҧхынгәы акынӡа аргыларатә усурақәа рхыркәшара шазгәаҭоу.

Атәыла анапхгара рхы аладырхәит ҿыц еиҭашьақәыргылоу аспортзал аартра. Ари аусмҩаҧгатә иара убасгьы иалахәын Жәлар реизара ахантәаҩы Лаша Ашәба, ақыҭа ауааҧсыра, аибашьра аветеранцәа, ашколхәыҷқәа.