* Aшәахьа, 24 Хәажәкыр 2025

Анцәа идгьыл аҧсуа ҳамҭас изыхииҭааз? Иарбан шықәсоу ианаартыз раҧхьаӡатәи аиҵыбаратә школ Оқәым ?-абарҭи егьырҭ азҵаарақәеи рҭак аҟаҵараҿы рхы ҧыршәеит ашколхәыҷқәа аҧсуа бызшәеи алитературеи рзы имҩаҧысуаз амаҭәартә олимпиадаҿы. Адҵақәа рынагӡара аӡәы изы имариахоит,даҽаӡә изы ихыҧҽыгахар алшоит,аха олимпиадахь уаана уи аҩыза уақәымшәозароуп,ухы уақәгәыҕуазар-аиааира хымҧада иугоит. Ас еиҧш ихәыцуа ахәыҷқәа ирыҿцәажәеит ҳкорреспондентцәа.

Аматематика аҧсышәала арцәажәара - абри хықәкыс иҟаҵаны Аҟәа ақалақь иатәу амуниципалтә усбарҭа «Аҵадарырра анапхгара» имҩаҧнагеит «Аматематика лахҿых» захьӡыз авикторина. Ахәмарра еиҿкаан ақалақь ашколқәа ахҧатәи аклассқәа рҵаҩцәа рыбжьара. Аматематика азҵаарақәа зеиҧшраз, насгьы урҭ рҭакқәа ашколхәыҷқәа ҧсышәала рыҟаҵашьа ишазнеиуаз Шьазина Ханагәуаҧҳа ланҵамҭаҿы.

Аҧсны ари амш азгәаҭара иалагеит ҩнызқьи жәеиза шықәса рзы. Сынтәа ҳтәыла ашәҟәыҩҩцәа реидгыла Кондрат Ӡиӡариа ихьӡ зху Аҟәатәи алицеи интернат аҿы апоезиа амш иазкыз аиҧылара еиҿнакааит. Уи иалахәын ҳтәыла ашәҟәыҩҩцәеи апоетцәеи.

Уи аус арепатраициа афонд аҟынтәи ҩажәи жәаба миллион мааҭ азоужьуп. Аҳәынҭқарра «Адемографиа аҿиаразы» апрограмма шәи ҩажәа миллион мааҭ аҧара азоунажьуеит. Аҧсны аҧыза–министр инапынҵақәа назыгӡо Владимир Делба ихантәаҩрала имҩаҧысыз аилатәараҿы ишьақәырҕәҕәан аҳәынҭқарратә программақәеи иҳәынҭқарратәым афондқәеи рбиуџьетқәа. Урҭ иарбанқәоу Фатима Гьергьиаҧҳа ланҵамҭаҿ иаҳзеиҭалҳәоит.