* Ԥхынкәын 2025

Алитературатә бызшәа аизырҳараҿ, амилаҭжурналистика аҿиараҿы зааҧсара дуу Рауль Лашәриа иҧсы ҭазҭгьы,ихыҵуазаарын 80 шықәса. Д.Гәлиа ихьӡ зху Аҧсуаҭҵааратә институт аҟны имҩаҧысит Рауль Лашәриа игәаларшәара иазкыз аиҧылара. Ажәабжь иацырҵоит ҳкорреспондентцәа.

Аицлабра "Аҧсны арҿиаҩцәа" аҟны аиааира згаз апроект Очамчыра ақалақь аҿы аибашьратә фырхаҵара амузеи аартразы ажәалагала ҟарҵеит. Уи адгылара аиуит араион ахадареи ,аҳәынҭқарреи, ауаажәларреи, аветеранцәеи рҿынтә.

Дара аҳамҭақәа ранашьара иазкыз ацеремониа мҩаҧысит Аҧсуа ҳәынҭқарратә унивирситетаҿы. Жәаҩык аиааира ргеит - Линда Амҧарҧҳа, Анна Гәниаҧҳа, Инал Ҭыжәба, Асида Гәымҧҳа, Анетта Бганҧҳа, Ефрем Ҳагба, Игор Басов, Лиана Ҳагҧҳа, Инал Хамкогов, Асҭанда Киутҧҳа. Адырра. Алектор - ари Урыстәылатәи Аилазаара "Адырра" иапроектуп. Уи абаҩхатәра злоу арккаҩцәа раарҧшреи рзанааҭ аизырҳареи ирызкуп.

Хымш иалагӡаны аицлабра аҳәаақәа ирҭагӡаны ицәыргоу апроектқәа ҭҵаахоит. Дара рхыҧхьаӡара 80 иреиҳауп. Актәи амш ацашьа шәзеиҭарҳәоит ҳкорреспондентцәа.

Аиҭагареи, актиорцәа рыбжьы ахаҵареи, аамҭа акыр рцәагазаргьы, уи алҵшәа бзиа аанашьҭит. Иахьа аҧсышәала еихышәшәо ицәажәоит ари афильм. Уи аӡыргара иазкыз аусмҩаҧгатә еиҿкаан аҧсуа драматә театр аҿы. Ажәабжь иацырҵоит ҳкорреспондентцәа.