* Aҩаша, 28 Жьҭаара 2025

Уи иалахәуп аҧсуа бызшәеи алитературеи рырҵаҩцәа, ашкол - интернатқәа, иара убас аҧсуа бызшәа иаҧсыуам ашколқәа рҿы изҭиуа,Аҧсны ахьынӡа-наӡааӡо араионқәа зегьы рыҟнытә. Аусмҩаҧгатә еиҿкаауп Аҧсны аҵара аминистрреи аунивирситет аҟны иҟоу аквалификациа аизырҳареи акадрқәа реиҭазыҟаҵареи рцентри еиқәшаҳаҭны.

Ишьақәырӷәӷәоуп 2026шықәсазтәи аҳәынҭқарратә биуџьет. Ахашәала 19 миллиарди 14 миллиони шьақәнаргылоит. Ирыдыркылеит,иара убасгьы, адемографиа аҿиара апрограмма. Ҳазҭало ашықәс, ажьырныҳәамза 1 инаркны, актәи аҩбатәи ахәыҷқәа рзы 100 нызқь мааҭ рзыршәоит, ахҧатәи аҧшьбатәи рзы 200 нызқь мааҭ, ахәбатәии уи ишьҭанеиуеи рзы 300 нызқь мааҭ.

Ирыхәаҧшын азҵаарақәа жәпакы. Иалкаау акатегориақәа ирыҵанакуа атәанчаҩцәа ртәанчахәы аизырҳара азгәаҭоуп. "Аҧсны Афырхаҵа", Леон иорден,"Агәымшәаразы" амедал занашьоу ртәанчахәы 2000нызқь мааҭ ацҵахоит. Арыжәтә џьбареи аҭаҭыни рыҭираан аҧҟарақәа еилазго ахараҧса рыдҵахоит. Уаҟа иарбоуп, зықәра наӡам аалыҵқәа рдыраахәара азин шыҟам. Иара убасгьы, Дамир Кәыҵниа Аҧсны апрокурор хада актәи ихаҭыҧуаҩыс дшьақәырӷәӷәоуп.