* Ԥхынкәын 2024

Аиааира амҩаду шәи хынҩажәи фба аҿы аӡымҩангага еиҭашьақәдыргылаанӡа Ажәытә Ҳабла, Вием, Алашарбага, Ешба имҩаду аҳҭнықалақь аҳаракыратә ҭыҧқәеи, иара убас агәаны аӡы аанкылатәхеит. Амуниципалтә Унитартә наплакы «Аӡыршьҭра» имҩаҧнаго аусурақәа ртәы шәахәаҧш анаҩстәи анҵамҭаҿы.

Аамҭақәа цацыҧхьаӡа аҧсуа литература иацәыӡыз арҿиаҩцәа дуқәа рыҟамзаара уныруеит. Зажәеи зыхшыҩи еимадаз, збаҩхатәреи зҟазареи ҳаракыз Владимир Басариа урҭ дыруаӡәкуп. Ҧхынҷкәынмза хәба рзы, ари адунеи аҿы дҳалагылазтгьы ҧшьынҩажәи жәаба шықәса ихыҵуазаарын. Аҧсуа шәҟәыҩҩы, Аҧсны ашәҟәыҩцәа реидгыла алахәыла, акультура зҽаҧсазтәыз аусзуҩ, Ахьӡ-аҧша аорден аҩбатәи аҩаӡара занашьоу, апублицист Владимир Басариа дыргәаладыршәон иахьа.

Афымцанхамҩа аҭагылазаашьа шыуадаҩу иаанхоит. Урыстәылантәи иаахәаны иааҳго афымцалашара ахәҧса ахшәаара даара иуадаҩхеит,-ҳәа азгәарҭеит «Амшынеиқәафымцамч» ахаҭарнакцәа. Дара ражәақәа рыла, акриптавалиута арҳага амыругақәа зинда иқәыргылан измоу рыҧшааразы еиҿкаауп амилициа аусзуцәа злахәу агәыҧ. Ажәабжь иацырҵоит ҳкорреспондентцәа.

Ҳаблаҿы изызҳаз Аслана лҭоурых ззымдыруа дыҟам. Лара лыбаҩқәа уашәырроуп. Мыцхәы лшьапы данықәгыло ахьаақәа лызцәырҵуа иалагоит. Лыҩныҵҟа илызҭагылоу аҵәқәа рыҧсахра аамҭа ааит. Лгәабзиара ашьақәыргыларазы иаҭахәуп 3 миллионки, 720 нызқь мааҭи. Аҵараҿы иаҧызго, аҭакқәа рыҟаҵараҿы иласу, Аслана лҭоурых анаҩстәи анҵамҭаҿы.

Уи иахҟьаны, иҧсхьоугьы маҷӡам. Ареспублика аветеринартә маҵзураҿы еиҭарҳәеит ачымазара цәырымҵырц азы иҟаҵатәу . Ажәабжь иациҵоит Даур Инаҧшьба.

Аенергетикатә шәарҭадара алыршаразы ареспубликатә штаб аилатәара мҩаҧысит, аҧыза-министр инапынҵақәа назыгӡо Валери Бганба ихантәаҩрала.Ирылацәажәан иахьатәи аамҭазы афымцанхамҩа аҿы иҟоу аҭагылазаашьа азҵаарақәа.Валери Бганба иазгәеиҭеит ,аҭагылазаашьа шыбааҧсу- ари амачыбжь иалагӡаны уи аиҕьтәразы ашьаҿақәа ҟаҳамҵар, афымцамч аганахь ала аҭагылазаашьа ҷыда рылаҳҳәар алшоит,- иҳәеит иара. Аштаб иалоу аминистрцәеи анапхгаҩцәеи ирҳәеит, аҭагылазаашьа ҷыда аҟалара алмыршаразы уснагӡатәқәас ирыдыркыло атәы. Џьуартәи аӡеизгарҭа аҿы аӡы аҩаӡара ахьмаҷхаз иахҟьаны, Егрытәи агидрофымцастанциа аусура иаҟәыҵыр алшоит ,-иҳәеит афымцамчи атранспорти рминистр инапынҵақәа назыгӡо. Цьансыха Нанба иазгәеиҭеит, амаинингқәа раҿыхразы аусура шцо, урҭ рыҧшәмацәа изакәанымкәа инырхуа алашарагьы шмаҷым. Иахьазы зымҽхак ҭбаау афермақәа ыҟам, аха ауааҧсыра ирымоугьы маҷӡам,- иҳәеит Нанба, аилатәара иалахәыз ирҳәон, иахьа афымцамч ҳамеиҷаҳар уаҵәы лашарада ҳшаанхоу. Аҳәынқарратә биуџьет аҟынтә Урыстәылантәи иаауа афымцалашара ахә ҧхынҷкәын быжьбанӡа аҧара ахшәаауп. Аҧыза аминистр инапынҵақәа назыгӡо Валери Бганба дҵаны иқәиргылеит, абри амчыбжь иалагӡаны афымцанхамҩаҿы аҭагылазаашьа аиҕьтәразы аусурақәа еиҿыркаарц. Мап анакуха ҳреспублика ахәҭак лашарада иаанхар алшоит.