Аамҭақәа цацыҧхьаӡа аҧсуа литература иацәыӡыз арҿиаҩцәа дуқәа рыҟамзаара уныруеит. Зажәеи зыхшыҩи еимадаз, збаҩхатәреи зҟазареи ҳаракыз Владимир Басариа урҭ дыруаӡәкуп. Ҧхынҷкәынмза хәба рзы, ари адунеи аҿы дҳалагылазтгьы ҧшьынҩажәи жәаба шықәса ихыҵуазаарын. Аҧсуа шәҟәыҩҩы, Аҧсны ашәҟәыҩцәа реидгыла алахәыла, акультура зҽаҧсазтәыз аусзуҩ, Ахьӡ-аҧша аорден аҩбатәи аҩаӡара занашьоу, апублицист Владимир Басариа дыргәаладыршәон иахьа.