* Aшәахьа, 28 Жьҭаара 2024

«Аиааира». Абас ахьӡуп иаатыз арра-спорттә хәмаррақәа . Уи иалахәуп Аҧсны араионқәеи ҳаҳҭнықалақьи ашколхәыҷқәа ркомандақәа. Актәи амш имҩаҧгаз ахәмаррақәа рымҩаҧысшьа шәзеиҭалҳәоит Амра Зарандиаҧҳа .

Актәи аҭыҧ ааннакылеит Риҵатәи ареликттә милаҭтә парк акоманда. Иҳаҩсыз асабшеи амҽышеи рзы Бзыҧҭатәи аҽырҩырҭаҿ имҩаҧысит Аҧсны аҽыбҕаҟазацәа рчемпионат. Уи иалахәызи алҵшәақәеи Енвер Арџьениа ианҵамҭаҿ.

СССР аспорт азҟаза Борис Ҷолокәуа игәалашәара иазкын Тҟәарчал ақалақь акультуратә хан аҿы имҩаҧысыз ареспубликатә турнир . Иара еиҿыркааит аҿари аспорти русқәа рзы Аҳәынҭқарратә еилаки Аԥсны ақәҧаразы Афедерациеи. Шәахәаҧш аусмҩаҧгатә иалахәуз Елиф Адлеиҧҳа ланҵамҭа .

Иҳаҩсыз аҧсшьара мшқәа беиан аспорттә еицлабрақәа рыла . Иаарылукаартә испорттә хҭысны имҩаҧысит ҩы-мш ицоз «Аҟәатәи амарафон». Ҳаҳнықалақь аҿы ныҳәаҵас еиҿкааз аусмҩаҧгатә зҽалазырхәыз рхыҧхьаӡара маҷмызт . Аицлабра анаҩсгьы еиҿкаан асасцәеи ауааҧсыреи изҭааша , рыҧсы ахьыршьаша аҭыҧқәа . Ҩы-мш амарафон цонаҵы аҭыҧ аҿы аус руан ҳҭыхратә гәыҧқәа Уажәы ишәыдаагалоит анҵамҭа.

Владимир Завгородни игәахәтәы наӡеит. Аҳәынҭқарра аҟынтәи иоуит аҩны. Иара жәаф шықәса анихыҵ деҭымхеит. Ҳтәылаҿы аус зуа апрограмма «Анхара» акатегориақәа руак дақәнагоит. Уи иабзоураны, иҧсҭазаара лашарак ацлеит. Еиҿикааз инхара гәахәарыла ҳҭыхратә гәыҧ идирбеит.

Ақыҭанхамҩа аҿиара аҳәынҭқарратә программа иалахәыз анхацәа атехника рзыршеит,атрактор маҷқәа ҩажәи хҧеи ашәыр арҩаразы амыругақәеи .Ари апрограмма аҳәаақәа ирҭагӡаны ашықәс нҵәаанӡа ацхыраара рыҭахоит хышәи ҩынҩажәаҩык аусдкылаҩцәа. Атехника ахьырзыршоз аҭыҧ иаҭааит ҳҭыхратә гәыҧ .

00:13 Амҩаҧгаҩ: Сима Аргәынҧҳа

01:08 Амчыбжь ахҭыс хадақәа рыхҳәаа

05:13 Жьҭаарамза 27 аҧсуа бызшәа иамшуп. Арыцхә инамаданы Аҧсны ахада идныҳәалара

05:13 Ҳхатәы бызшәала ицәажәо аҧсышәала ихәыцуа рхыҧхьаӡара еиҳахарц азы иаҧҵоу апроект ҿыцқәа ирызку ҳанҵамҭа ҷыда.

19:51 Абызшәазы азакәан. Аус ауама? Иаҭахума аиҭакрақәа? Урҭ азҵаарақәа дрылацәажәоит адырраҭара асас хада жәлар реизара адепутат Инар Саӡба

31:48 «Аҟәатәи амарафон». Аспорти акультуреи рныҳәа мҩаҧысит аҳҭнықалақь аҿы.