* Aҧшьаша, 24 Жьҭаара 2024

Аҧсны аџьынџьтәылатә еибашьра аветеран, Леон иорден занашьоу, акыршықәсқәа инеиҧынкыланы Кәтолтәи абжьаратә школ аҿы рҵаҩыс аус зухьаз, ақыҭа хадас иҟаз, акымкәа ашәҟәқәа ҭзыжьхьоу. Гиви Иван-иҧа Ҵнариа 75 шықәса ихыҵит. Ари амш аҳаҭыр азы ААУ ажурналистика афакультет аҿы имҩаҧысит аиубилиар дызлахәыз аиҧылара. Ажәабжь иацырҵоит ҳкорреспондентцәа,

Агәырҕьареи, ачеиџьыкеи ,алахҿыхреи зцу ари аныҳәа рхы аладырхәуеит Ҟарачы-Черкесынтәи асасцәа. Атема иациҵоит Даур Инаҧшьба.

Афилологиатә ҭҵаарадыррақәа ркандидат, аҵарауаҩ- алингвист, ауаажәларратә усзуҩы нага Екатерина Платон-иҧҳа Шьаҟрыл диижьҭеи иахьа 100 шықәса ҵит. Лара лгәалашәара иазкны дахьынхоз аҩнаҿы иаартын амемориалтә ҕәы. Ажәабжь иацырҵоит ҳкорреспондентцәа.

Убри иахҟьаны, ахәыҷқәа аҵаразы Аҟәаҟа аара рықәшәон . Дара ргара – раагара азҵаара ӡбахеит апроблема шыҟаз атәыла Ахада иҟынӡа ианнарга. Уажәы аҭагылазаашьа зеиҧшроу Лаура Қаҧшьҧҳа ланҵамҭаҿы.

Аргылаҩцәа шьыжьы-инаркны хәылбыҽханӡа, зны-зынла аҵх агәынӡа аус руеит. Ахәыҷтәы хәышәтәырҭа дыргылоит Урыстәыла аинвестициатә программа ала. Уи иазоужьуп фышәи ҩынҩажәи жәаба миллион маҭ . Аиҿкааратә усурақәа рнапы иануп КДК девелопмент.

Аҟәатәи адәыҕбатә аанҿасырҭаҿы аҧсшьаҩцәа рацәан шьыжьнаҵы. Атуристә дәыҕба «Риҵа» круизк аҳасабала Аҧсны иаҭааит. Аҧсшьаҩцәа аныҟәарақәа рзеиҿыркаауеит Афон ҿыци Риҵеи рышҟа. Дәыҕбала аныҟәарақәа ирыҵоу аҧхарра атәы ҳҭыхратә гәыҧ ранҵамҭаҿы.