* Aхаша, 16 Жьҭаара 2024

Иахьа инапы злаку аус аҽарҭбааит Аҧсны аекономика аминистрраҿы абизнес ацхырааразы аус зуа апрограмма иабзоураны. Аҳәынҭқарра аҟынтәи иоуи агрант.Ажәабжь еиҭалҳәоит Наала Чхьынџьериаҧҳа .

Лыҧхала аҧсыҭбара ҟамлеит, аха аҭаацәара хыҵакырҭада иаанхеит. Амҷаа рҭаацәара аҳәынҭқарра аҟынтәи ацхыраара иақәгәыҕуеит. Шәахәаҧш анаҩстәи ҳанҵамҭа.

Шьҭа ҧшьышықәсоуп «Аҧсны адиабет еилазаара» аҧшьгарала, ашьақар чымазара змоу ахәыҷқәеи рҭаацәеи рзы алагер еиҿыркаауеижьҭеи. Уи хықәкыс иамоуп ари ачымазара зыхьуа рҭаацәарақәа рдырра аизырҳара, рҧышәа аимдара . Ҩы-шықәса инеиҧынкыланы ари апроект анагӡаразы ацхыраара рынаҭоит Аҧсны атуризм аминистрра.Шәахәҧш Сариа Кәарцхьиаҧҳа иазлырхиаз анҵамҭа

Гәдоуҭа ақалақьи, иара убас ақыҭақәеи рҿы ацәаҳәақәа рыҧсахуеит , атрансформатор ҿыцқәа шьақәдыргылоит.

Еиҵагыло аҿар аҵара дырҵареи рааӡареи рҿы рџьабаа азы жәеизаҩык арҵаҩцәа «Аҧсны зҽаҧсазтәыз арҵаҩы»ҳәа ахьыӡ ҳаракы рыхҵоуп. Аҧснытәи аҳәынҭқарратә филармониаҿы арҵаҩ имш иазкыз аныҳәа мҩаҧысит. Уи иалахәын Аҧсны араионқәа зегь рҟынтә арҵаҩцәа. Здыррақәа ҵауло ашкол амаҵ азызуа ауаа дрыдныҳәалеит Аҧсны ахада Аслан Бжьаниа. Ажәабжь иацырҵоит ҳкорреспондентцәа.