* Aсабша, 26 Жьҭаара 2024

Абџьар-ҟазацәа рхеилак «Х-напы» ицәырыргеит ҳера ҟалаанӡа абыжьбатәи ашәышықәса инаркны, ихьшәоу ашәышықәсақәа ирыҵанакуа аҧсуа ажәытә шәақьқәа. Афестиваль аҿы ажьира иазкны амастер-класс еиҿкаан. Убри анаҩсгьы, аҳәызбақәеи, абџьарқәеи, ахыци-ахәымпали ирызкыз ажәабжьқәа еиҭаҳәан. Ажәабжь ҳзеиҭалҳәоит ахҭыс бзиа иалахәыз Наала Чхьынџьериаҧҳа

Ареспубликаҿы инхо аурысцәеи аерманцәеи рхәыҷқәа аҵара ахьырҵоу абжьаратә школқәа рҟны аҧсуа бызшәа арҵара шҧеиҿкаау? Абри азҵаара аҭак аҟаҵара иҽазишәеит Заур Кәарҷиа .

«Амалқәа зегьы ирмалу»- аҧсуа бызшәа амчыбжь хыркәшо, Дырмит Гәлиа ихьӡ зху Аҟәатәи аҧшьбатәи абжьаратә школ аҟны имҩаҧысит авикторина «Аҧсуа бызшәа бзиа избоит сара» захьӡыз. Уи иалахәын аҧсуа школқәа рҟнытәи ахҧатәи аклассқәа рҵаҩцәа.

Уи иазкыз аилатәара иалахәын Аҧсны ахада ихаҭыҧуаҩ Бадра Гәынба, ашәарҭадаратә хеилак амаӡаныҟәгаҩ Рауль Лолуа. Аветеранцәа рыхьӡала адныҳәаларатә шәҟәы наишьҭит Атәыла Ахада Аслан Бжьаниа. Ажәабжь иацырҵоит ҳкорреспондентцәа.