* Aсабша, 08 Жәабран 2025

Жәабран быжьба рзы ,аҵыхәтәантәи имҩахь днаскьаргеит Аҧсны Аџьынтәтәылатә еибашьра аветеран, «Агәымшәаразы» амедал занашьоу Заур Шьоҭа-иҧа Анҭиа. Иара аибашьра ианалага инаркны, иабџьар шьҭыхны иҧсадгьыл ахьчара дгылеит. Аҧсуа Гвардиа далан, агәыҧ «Шьараҭын» аҿы деибашьуан,Тамшьтәи адесант далахәын, иҩызцәа иргаладыршәоит Заур Анҭиа аибашьра адәаҿы гәымшәарыла ихы шааирҧшуз .

Иҟалеит Аҧсны жәлар жәашықәсала иззыҧшыз ахҭыс. Жәабран быжьба рзы, ашьыбжьон, Владислав Арӡынба ихьӡ зху Аҟәатәи жәларбжьаратәи аҳаирбаҕәаза аҟны итәеит, ҧықәсылада аҧышәарагьы иахысит аҳаирплан. Уи иаанагеит ҩеижәи ҧшьҩык апассаџьырцәа. Ари ахҭыс гәырҕьахә далаҧшит ҳкорреспондент Амра Зарандиаҧҳа .