* Aхәаша, 14 Жәабран 2025

Аҧсныи Урыстәылеи рҵарадыррақәа рминистрра ирыбжьоу аиқәшаҳаҭра инақәыршәан Аҧсны иааны иҟоуп Москвантәи аспециалистцәа. Дара аҭыҧантәи арҵаҩцәа алархәны асеминарқәа мҩаҧыргоит. Ари аус хықәкыс иамоуп зылшарақәа ҧку ахәыҷқәа аҵарадырра рызнагашьа.

Имҩаҧысит даҽа еиҧыларакгьы. Аҧсны Жәлар реизара аиҳабы Лаша Ашәба идикылеит ҳтәыла Ахада иалхрақәа наҧшҩык иаҳасабала зхы алазырхуа Аахыҵ- Уаҧстәылантәи иааз аделегациа. Шәахәаҧш анҵамҭа.

Аус аулоит хы-мш рыҩныҵҟа . Аартра иалахәын Аҧсны иаҭааны иҟоу жәларбжьаратәи анаҧшыҩцәа . Апресс-центр ааиртит алхратә комиссиа хада ахантәаҩы Дмитри Маршьан . Алхратә процесс амҩаҧысшьа , аҵыхәтәантәи аҽазыҟаҵарақәа , иазҧхьагәаҭоу аусмҩаҧгатәқәа уҳәа ирылацәажәеит . Шәахәаҧш анаҩстәи анҵамҭа .

Самсон Ҷанба ихьӡ зху аҳәынҭқарратә драматә театр аҿы агастрольқәа рыманы иқәгылеит Пиатницки ихьӡ зху аҳәынҭқарратә академиатә аурыс жәлар рхор. Ари аусмҩаҧгатә алыршахеит аҩ-тәылак ирыбжьоу аиқәшаҳаҭра инақәыршәаны. Ахор мҩаҧылгоит Урыстәыла акультура аминистрр Ольга Лиубимова. Ахор ақәгылара адагьы уи аамҭазы атеатр аҩныҵҟа аҩ-тәылак ркультура аминистрцәа еиҧылеит. Арҭ ахҭысқәа ирылахәыз ҳкорреспондентцәа ранҵамҭа.

Урыстәыла агәабзиарахьчара аминистрра аҿынтә Аҧсны иаиуит ацхыраара лас амашьынақәа жәабеи, ареанимобильқәа акыи. Урҭ Аҧсны ахәышәтәырҭақәа ирзеихыршеит. Ҳкорреспондент Фатима Гьергьиаҧҳа ари ахҭыс далахәын.

Аҳҭнықалақь аҩныҵҟа алхратә процесс иахьынӡазыхиоу еилылкаауан ҳкорреспондент Амра Зарандиаҧҳа.