* Aҩаша, 02 Ԥхынгәы 2024

Иахьатәи аҭыжьымҭаҿы: 00:15 Амҩаҧгаҩ Асмаҭ Гәниа

00:05 Амчыбжь азы иалкааз ажәабжьқәа ааркьаҿны.

04:30 2024 шықәсазы зҽалызкааз аушьҭымҭацәа.Аҵарашықәс алҵшәақәа Ада Кәарҷелиаҧҳа лыҿцәажәараҿы.

13:45 Аҧхын аамҭа ицәырнаго аҿкы чымазарақәеи урҭ рыхәышәтәра ҳшазыҟаҵои ҳанҵамҭа ҷыдаҿы.

Еиҿнакааит Аҧсны аҿари аспорти русқәа рзы аҳәынҭқарратә еилакы. Иалахәын аспорт аҿы зхы бзианы иаазырҧшуа изызҳауа абиҧара рхаҭарнакцәа. Ажәабжь иацырҵоит ҳкорреспондентцәа.

«Арҵаҩратә ҟазара ашкол» ахҧатәи асезон, абас ахьӡуп ҩаҧхьа зусура хацзыркыз, ҩышәҩык рҟынӡа арҵаҩцәеи ааӡаҩцәеи еидызкыло аусмҩаҧгатә. Уи еиҿкааҩцәас иамоуп Аҟәа ақалақь ахадара иатәу амуниципалтә усбарҭа «Аҵарадырра анапхгара». Арҵаҩратә ҟазара ашкол аусура иалахәуп Тамбовынтәи асасцәа, иара убас аладатәи Новгородынтәи арҵаҩцәа. Аҟазара ашкол аус шауа Лаура Қаҧшьҧҳа ланҵамҭаҿы.

Иара убасгьы, афинанстә цхыраара роуеит зынхарҭақәеи зҽаҩреи аҩар иҵнаӡәӡәааз анхацәа. Урҭ ирыцу ахарџьқәа зегьы аҳәынҭқарра ахахьы иагоит.