* Aҧшьаша, 26 Жәабран 2026

Ауаажәларратә Палата хәажәкырамзазы имҩаҧнагараны иҟоуп "Аиҿцәажәара, аиқәшаҳаҭра,аҿиара" захьӡу афорум. Уи аҽнынӡа имҩаҧысуеит еиуеиҧшым атемақәа рыла аиҧыларақәа. "Адемографиа ҩынтә ишеиҵахаз, ииуеи иҧсуеи шеиҟарахаз. Ақыҭа аҧсҭазаашьа адырразы иҟаҵатәу, ақыҭантәи адепутатцәа русушьа шеиҿкаатәу". Еиҳарак,абас еиҧш ақыҭанхамҩа аҿиара азҵаарақәа ирызкын имҩаҧысыз апленартә еиҿцәажәара. Ажәабжь иацырҵоит ҳкорреспондентцәа.

Аҧсны Аџьынџьтәылатә еибашьра цонаҵы, аҧсыҭбарақәа рацәаны изцыз ажәыларақәа рацәан. Убарҭ ируакуп жәабранмза 25 аҽны аӷа хәымга Кәтол ақыҭа алаларазы дызлагаз ажәылара. Агәыҧ "Дельфин" ари амш агәалашәара аҳаҭыраз есышықәса еиқәшәоит.