* Aхәаша, 27 Рашәара 2025

Шә-ҩык инареиҳаны аҧсуа школқәа раушьҭымҭацәа Урыстәылазегьтәи ашколтә хәылҧазы аҽалархәразы Аҟәантәи Сириусҟа амҩа иқәлеит. «Ҳхәыҷқәа аҭакҧхықәра ду рыдуп – ҳҳәынҭқарра ахаҿра аадырҧшуеит. Иҿырҧшыгоу аушьҭымҭацәеи Аҧсны атәылауааи зеиҧшроу ддырбароуп иахьнеиуа»- ҳәа азгәалҭеит азеиҧш бжьаратә ҵара усбарҭа аиҳабы Маиа Цибулевскаиа. Аҧсуа школқәа ари аҩыза аусмҩаҧгатә раҧхьаӡа акәны иалахәуп. Аушьҭымҭацәа Аҟәантәи ишынаскьаргоз ҳзеиҭалҳәоит Амра Зарандиаҧҳа.

Аҟәатәи асахьаҭыхратә ҵараиурҭаҿы сынтәа рҵара хдыркәшоит раҧхьаҟа аҟазара зыҧсҭазаара адызҳәаларц зҭаху ҩажәи хә-ҩык аушьҭымҭацәа. Акомиссиа алахәылацәа рҿаҧхьа ирыхьчеит аграфика адизаини, аскульптуреи, аҿыханҵеи ажанрқәа рыла русумҭақәа. Аҧышәаратә комиссиа иалахәын аҵараиурҭа арҵаҩцәа реиҧш, Аҧсны акультура аминистрра ахаҭарнакцәагьы. Ажәабжь иацырҵоит ҳкорреспондентцәа.

Амшхәаҧштә аҿы иқәгылаз азҵаарақәа зегьы ирыхәыҧшит. Убас, ҧхынгәы акы инаракны Урыстәылатәи атәанчахәы змауа жә-категориак ирыҵыркуа Аҧснытәи атәанчаҩцәа ртәанчахәы зықь-мааҭ иацҵахоит. Уи аминистрцәа зегьы еицҿакны адгылара арҭеит. Ажәабжь иацырҵоит ҳкорреспондентцәа.