* Aхәаша, 01 Абҵара 2024

Урыстәылатәи Жәларабжьаратәи ахәыҷтәы центр «Артек» аус ауеижьҭеи шәышықәса ҵуеит. Уи арыцхә аҳаҭыр азы Аҧсны раҧхьаӡа акәны имҩаҧган Артек ахаҭаранакцәа еиҿыркааз ацәыргақәҵеи аҟазаратә классқәеи . Урҭ дырҭааит Аҧсны Ахада иусбарҭа аиҳабы Абесалом Кәарҷиа, иара убасгьы ашколхәыҷқәа.

Аҧсны жәлар реизара адепутат Резо Занҭариеи Очамчыра араион иқәынхо аусдкылаҩцәеи аиҧылара рыман ақалақь аҿы.Уи аҟны ирылацәажәеит аекономикатә ҿиара апроцесс ашьҭыхреи, аҭыҧантәи аџьармыкьеи ирызкыз азҵаарақәа.Аусдкылаҩцәа ргәы иҵхоз азҵаарақәа адепутат ирҭеит. Аиҧылара аҟынтәи анҵамҭа азлырхиеит Наала Чхьынџьериаҧҳа .

Аҧсны афымцанхамҩа аҭагылазаашьа ахьыуадаҩу инамаданы,ҭагалани аӡыни ареспубликаҿы аамҭа-аамҭала афымцалашара дырцәо иалагоит уахынла ҩ-сааҭк, иара убасгьы ҽынла ҩ-сааҭк. Аграфик аусура иалагоит абҵара акы инаркны. Атема иацырҵоит ҳкорреспондетцәа.