* Aхаша, 13 Абҵара 2024

«Абзиа уны- аӡы иаҭ» рҳәоит аҧсуаа. Ақьиара ҳабзазара иахәҭакуп, уи иамоу аҵакы рзеиҭарҳәеит ашколхәыҷқәа.

Ари арыцхә инамаданы, Ефрем Ешба ихьӡ зху Аҟәатәи ахәбатәи абжьаратә школ аҿы имҩаҧысуаз агәзианра аныҳәа далахәын Лаура Қаҧшьҧҳагьы. Шәахәаҧш анҵамҭа.

Аҧсны анапхгара ақыҭанахамҩа арҿиаразы аҳәынҭқарратә программа аҳәаақәа ирҭагӡаны ахатәусдкылаҩцәеи анхацәеи ацхыраара рзыҟарҵоит хәыда-ҧсада. Убас, ҩышқәса раҧхьа,жәаҩык ахшара раб Очамчыра араион Гәыҧ ақыҭан инхоу Роман Чхамалиа ашәыр зҿалоу аиҭаҳатә ирҭеит. Иахьазы џьара-џьара аҽаҩра аҿыхра далагахьеит. Атема иацырҵоит ҳкорреспондентцәа.

Ҭагалан анхаҩы иаарыхра, аҧсуа ҭаацәарақәа имҩаҧырго аҵасқәеи,ақьабзқәеи ирызкыз аусмҩаҧгатә еиҿкаан Аҟәатәи алицеи- интерант аҿы.

Ҳара ҳҭыхратә гәыҧ аҭааит Нелли Фиодор-иҧҳа акыр шықәса инеиҧынкыланы аус ахьылуаз ашкол, ирыҿцәажәеит аус лыцызуаз лколлегацәа. Абри атәы еиҳа инарҭбааны Рада Чачаа ланҵамҭаҿы.

Ашәахьа ауха аоппозициа ахаҭарнакцәа Кәыдри Гәымсҭеи ацҳақәа адыркит. Иахьа шьыжьнаҵы Кәыдрытәи ацҳа аартын. Гәымсҭатәи- акәзар хәылбыҽханӡа атранспорт аныҟәара аанкылан .Шәачатәи аҳаирбаҕәазеи , адәыҕбеи , ахәышәтәырҭақәеи рахь иццакуаз ауааҧсыра ари аҩыза аҭагылазаашьа акырӡа иаргәамҵит . Иҟоуп иззымычҳақәа зыҧсы зылышәшәозгьы. Арҭ аҭыҧқәа рҿы аус руан ҳкорреспондентцәа .

Аҧсны анапхгареи аоппозициеи рыбжьара Ауаажәларратә палата аусутә гәыҧ имҩаҧнагаз аицәажәарақәа ирыбзоураны, аоппозициа ахаҭарнакцәа атранспорт зымныҟәо иаанкыланы ирымаз Гәымсҭатәи ацҳа ахәылбыҽха иаадыртит. Аҭыҧан аус зуаз ҳкорреспондент Фатима Гьергьиаҧҳа ланҵамҭа.