* Aхаша, 22 Ажьырныҳәа 2025

Иахьа , Аҟәа, Арҵаҩы иҩны аҟны аҵыхәтәантәи имҩахь днаскьаргон Аҧсны зҽаҧсазтәыз ажурналист, Ахьӡ- аҧша аорден ахҧатәи аҩаӡареи, Агәымшәаразы амедали занашьоу Даур Инаҧшьба. Ажурналист абзиаразы иарҳәаразы арахь имҩахыҵит хыҧхьаӡара рацәала, ауааҧсыра, аҳәынҭқарра ахада инапынҵақәа назыгӡо Валери Бганба, аиҳабыра рхаҭарнакцәа, Жәлар реизара адепутатцәа, аҳәынҭқарратә усбарҭақәеи, еиуеиҧшым аиҿкаарақәеи, араионқәеи рхаҭарнакцәа. Агәаларшәаратә митинг аҿы иқәгылоз зегьы иазгәарҭеит Даур Инаҧшьба иааҧсара, Аҧсны Аџьынџьтәылатә еибашьреи анаҩс аҭынч ҧсҭазаараҿы илшаз ахәшьара ҳаракы арҭеит. Иара убас иусура атәы иазааҭгылеит шықәсырацәала уи ибзианы дыздыруаз .

Иҳаҩсыз ашықәс жьҭаарамза азы Гәылрыҧшь араион Мархьаул ақыҭаҿы инхо ахшара рацәа зааӡо Амҷаа рҭаацәара рыҩны амца ацралан иблит. Ҩымз ирылагӡаны аҩны зегьы еиҭашьақәыргылан. Уажәы, ашықәс ҿыц азы ҩаҧхьа рыҩны инынҩналап ҳәа аҭаацәа рыгәгьы иаанагомызт. Аха ишырҳәо еиҧш, напеилаҧсала, зегьы рыцхыраарала иахьа аџьџьаҳәа иҩноуп, рхы иахашшауагьы иҟам. Шәахәаҧш анаҩстәи ҳанҵамҭа