* Aхәаша, 10 Ажьырныҳәа 2025

Воронови Арӡынбеи рымҩадуқәа реихысырҭаҿы ауадаҩрақәа цәырҵит. Урҭ зыхҟьаз, насгьы ақалақьуаа ӡыла ианеиқәыршәахо ҳкорреспондентцәа ранҵамҭаҿ.

Иҧсҭазаара далҵит Аҧсны аџьынџьтәылатә еибашьра аветеран, «Агәымшәаразы» амедал занашьоу , аполитикатә партиа «Амцахара» аполитсовет алахәыла Витали Акакьи –иҧа Қорсантиа . Аҧсны аветеранацәа рхеилак «Амцахара аиҿкаара аҧшьызгаз дыруаӡәкын , акыршықәса инеиҧынкылан аҳәынҭқарратә еилахәыра «Аҧсныбылтәы» аиҳабы ихаҭыҧуаҩыс дыҟан.

Уи аҿы афымца ахархәареи уи аиҷаҳареи азҵаарақәа ирылацәажәан. Ари ашықәс азы раҧхьатәи аилатәара аҿынтә ҳкорреспондентцәа ранҵамҭа.

Ажьырныҳәамза жәаба инаркны Аҧсны Аҳәынҭқарра ахадарахьы акандидатцәа официалла агитациа аҟаҵара азин рымоуп . Алхратә комиссиа хадаҿы ашәҟәы иҭаргалеит Аҧсны Ахадарахьы акандидатцәа ҧшьҩык –Бадра Зураб-иҧа Гәынба , Адгәыр Амиран –иҧа Арӡынба ,Олег Мсас-иҧа Барцыц, Роберт Иван-иҧа Аршба .