* Aшәахьа, 20 Ажьырныҳәа 2025

Иахьатәи аҭыжьымҭаҿы:

00:15 Амҩаҧгаҩ Асмаҭ Гәниа

00:45 Ҳтәылаҿы имҩаҧысуаз ахҭыс хадақәа ааркьаҿны.

03:45 Ажьырныҳәа зеижә Аҧсны аиашахаҵаратә уахәамақәа рҿы иазгәарҭоит анцәа инаҭра мамзаргьы анцәа ицәырҵра ҳәа изышьҭоу ақьырсиантә ныҳәа.Уи иазкуп ҳанҵамҭақәа руак.

10:00 Асектор газаҿы аибашьра аанкыларазы аиқәшаҳаҭра рнапы аҵарҩит.Аполитолог Беслан Ҳагба уи ахҳәаа азиуит.

19:15 Амшын Еиқәа аҿықәаҿы иҟалаз аекологиатә рыцҳара иазкуп ҳанҵамҭа ҷыда.

Уи аҿы ҳтәыла ахадарахьы акандидатцәеи ахада ихаҭыҧуаҩс акандидатцәеи Аҧсуа Телехәаҧшра аҟны аефиртә аамҭа шырзыҧҵәазаауа, насгьы аформатқәа ирылацәажәеит. Ажәабжь иацылҵоит Амра Зарандиаҧҳа.

Амилаҭтә журналистика иаиуит ацәыӡ ду, хынҩажәи хәба шықәса дшырҭагылаз иҧсҭазаара далҵит Аҧсны зҽаҧсазтәыз ажурналист Даур Инаҧшьба.«Ахьӡ- аҧша аорден ахҧатәи аҩаӡареи, « Агәымшәараз амедали», « Кәыдрытәи аҩхаа аҭарцәразы» амедали занашьоу атележурналист Даур Инаҧшьба ҳтәылаҿы дыззымдыруа дыҟамзар ҟалап. Иара иҧсҭазаара зегьы ажурналистика иазикит. Даур Ганта- иҧа Инаҧшьба иҧсҭазаара иалҵра харҭәаашьа змам цәыӡуп Ателерадиоеилахәыра аколлектив зегьы рзы.