Сынтәа иалахәын ҩынҩажәи жәаҩык инареиҳаны ачыс хаа ҟазҵо. Аҭааҩцәеи алахәылацәеи ирыдыргалеит аинтерес зҵоу апрограмма, иара убас ахәаахәҭра-ааглыхратә палата аҟынтәи аҧхьахә ҷыда.
Аџьеи ааҧынреи рымш ныҳәазы, традициала ишаҧу еиҧш, Кәтол ақыҭан аҽырыҩреи аҽырхәмарреи, аҽырҧареи рзы аицлабрақәа мҩаҧыргеит. Аныҳәа ихы алаирхәит Аҧсны Ахада Аслан Бжьаниа. Ажәабжь иациҵоит Алиас Корсаиа .
«Ҳхықәкы наҳагӡеит. Шьҭа ҭынч ҳхы нықәҵаны ҳаҧсыргьы ҟалоит». Арҭ ажәақәа зтәу дыззымдыруа аҧсыуак дыҟамзар ҟалап. Иахьа иҧсы ҭаны ари адунеи аҿы дҳалагылазҭгьы хынҩажәи жәаа шықәса ихыҵуазаарын Аҧсны афырхаҵа, Ахьӡ-Аҧша аорден актәи аҩаӡара занашьоу, аҧсуа аинрал Сергеи Дбар. Зыҧсҭазаара зегьы зыуаажәлар рымаҵ аура иазызкыз, Сергеи Платон-иҧа игәаларшәара еснагь ҳажәлар ирыцуп.