Шәара ижәдыруама дазусҭоу аполковник Ҳаџьараҭ Бушба? Ианиааз аҳәаанырцәтәи ажурналистцәа Робин Гуд дидыркылон . Аҧшьынҩажәатәи ашықәсқәа рзы Асовет Еидгыла арбџьармчқәа рҿы арратә маҵзура дахысуан –Берлин атанктә гәыҧ командаҟаҵаҩыс даман . Ихаҭара ҳаракын . «Аполковник Ҳаџьараҭ Бушба» абас ахьӡуп Рауф Џьыкрба авторс дызмоу иажәеинраалоу автобиографиатә роман . Қәҿиарала зус назыгӡо анаплакҩы ,Аҧсны Аџьынџьтәылатә еибашьраан зџьабаа рацәоу автор Рауф Џьыкрба иахьа шәҟәыҩҩык иаҳасаб ала ихы цәыригеит . Имҩаҧысыз ашәҟәы аӡыргара далахәун Амра Зарандиаҧҳа .