Адгьыл шәымазар, аидеиақәа рыла шәҭәызар- шәара ишәзыҧшуп ақыҭанхамҩа аминистрраҿы. Уаҟа ақыҭанхамҩа аҿиаразы акыр шықәса лҵшәа бзиала аус ауеит апрограмма. Арҭ амшқәа рзы иоурыжьхьо апроектқәа русушьа зеиҧшроу гәарҭон. Хаҭала агәаҭарақәа ирхыжьын еиҳарак ҩнызқьи ҩажәи ҧшьба шықәсазы ирыдыркылахьаз апроектқәа. Ақыҭанхамҩа аминистрреи Очамчыра араион ақыҭанхамҩа аҟәшеи рхаҭарнакцәа ирҭааит Лабра, Лашькындар, Мықә, Ҷлоу, Мухур ақыҭақәа. Ажәабжь иацырҵоит ҳкорреспондентцәа.