Иара даҭаан ибеит агәаҭарҭа-аушьҭырҭатә ҭыҧ Ҧсоу. Араҟа иаарласны ахархәарахь ирырҭоит аҳазалхратә шҟәқәа ахьеиқәдыршәо ахыбра ҿыц. Атәыла ахада, убасгьы, ааигәа ахархәарахь ирырҭаз аҳәынҭқарратә шәарҭадара амаҵзура аҳәаахьчаҩцәа ргәыҧ аштаб ахыбра дыҩналаны ибеит. Аҳәаахьчаҩцәа ргәыҧ аиҳабы атәыла ахада изеиҭеиҳәеит уахыки-ҽнаки аҳәаа ишахысуа хынҩажәи хҧа нызқьҩык инарыцны. Автомашьынақәа ракәзар, жәеиза нызқь. Анаҩс, Аслан Бжьаниа амчратә усбарҭақәа рхаҭарнакцәа алархәны аилацәажәара мҩаҧигеит. Аҧсны ахада далахәын Гагра араион актив реизара. Аизара убасгьы иалахәын аҧыза-министр Алеқсандр Анқәаб, атәыла ахада иусбарҭа анапхгаҩы Џьансыхә Нанба, аҩныҵҟатәи аусқәа рминистр Роберт Киут. Ажәабжь иацырҵоит ҳкорреспондентцәа.