* Aҩаша, 31 Ԥхынкәын 2024

Аҧсны аполитикатә система аиҭакрақәа ралагалара иадгылоу акомпаниа шхацырку азы алаҳәара ҟарҵеит гәыҧ-ҩык ауаажәларратә усзуҩцәа «Аҧсныхабар» имҩаҧысыз апресс-конференциаҿы. Ажәабжь иацылҵоит Амра Зарандиаҧҳа.

Агәыҳалалратә фонд «Барақьаҭ» ииасуа ашықәс иалагӡаны арыцҳара иақәшәаз аҭаацәарақәа имаҷымкәа ацхыраара рынаҭеит. Ҳҭыхратә гәыҧ урҭ аҭаацәарақәа ирҭааит. Агәызианра иазкуп Наала Чхьынџьериаҧҳа ланҵамҭа.

Аҧсны аҳәынҭқарра иааиуа ашықәсазтәи абиуџьет рыдыркылеит, Аҧсны Аконституциа аҧсахрақәа ралагалара алыршо аусутә гәыҧ аҧҵаразы ақәҵара рыдыркылеит, адепутатцәа ақәшаҳаҭхеит ауаҩшьра ҟазҵаз адепутат Адгәыр Ҳаразиа иҩнқәа рҿы аҧшаарақәа рымҩаҧгаразы. Инеизакны 23 зҵаара ирыхәаҧшын жәлар реизара адепутатцәа ари ашықәсазтәи аҵыхәтәантәи реилатәараҿы.