00:13 Амҩаҧгаҩ: Сима Аргәынҧҳа

01:24 Амчыбжь шышақәгылаз. Ахҭыс хадақәа рыхҳәаа ааркьаҿны.

06:52 Агәамбзиарзгьы аха лымам. Акәасқьа ақыҭа инхо Гәында Гамгьиа-Агрба хә-ҩык лмаҭацәа лхала илааӡоит. Дара рбареи аусуреи лзеилагӡома, изеиҧшроузеи аҭаацәа рфинанстә ҭагылазаашьа, ацхыраареи адгылареи рызҭода? Уи атәы ҳанҵамҭа ҷыдаҿы.

15:04 Урыстәылатәи аиуристтә хаҿқәа ҳреспубликаҿы аинвестициатә проектқәа рынагӡара алыршаразы аиҳабырабжьаратә еиқәшаҳаҭра апроект. Адокумент изныкымкәа иалацәажәахьеит Жәлар реизараҿы, макьанагьы аус адулара иаҿуп. Адепутат Беслан Ҳалуашь иазгәеиҭеит Аҧсны абизнес маҷ ҧырхага азымҭо амеханизмқәа алагалара ргәы ишҭо. Уи атәы аиҿцәажәараҿы.

28:06 Иҧсы ҭаздгьы апоет, апублицист, аиҭагаҩ, ажурналист Александр Бардодым ихыҵуан жьҭаарамза жәаха рзы ҩынҩажәи жәаа шықәса.