Аҟәатәи Иреиҳаӡоу азеиҧш командаҟаҵаратә арратә ҵараиурҭа аушьҭымҭацәа сынтәа Аҧсны атәылахьчара иаҵанакуа арратә кадрқәа хадырҭәааит 11-ҩык афицарцәа рыла. Уи иазкны Ахьӡ-аҧша апарк аҿы имҩаҧган агәырҕьаратә уснагӡатә. Аҵараиурҭа ишалгаз атәы зҳәо адипломқәа рнапаҿы ирырҭеит, убасгьы ирхырҵеит алеитенант ҳәа раҧхьатәи арратә хьӡы. Аусмҩаҧгатә далахәын атәылахьчара аминистр актәи ихаҭыҧуаҩ Беслан Џәыџьба. Аныҳәа аҟынтәи Шьазина Ханагәуаҧҳа ланҵамҭа.